Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • w89 9/15 tl. 32
  • Ntsombano Wa Muganga Wa “Ku Chava Xikwembu”

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Ntsombano Wa Muganga Wa “Ku Chava Xikwembu”
  • Xihondzo xo Rindza Xi Huwelela Mfumo Wa Yehovha—1989
  • Tinhlokomhaka Tin'wana Leti Yelana Na Yona
  • Tanani Eka Ntsombano Wa Muganga Wa “Ririmi Leri Tengeke”
    Xihondzo xo Rindza Xi Huwelela Mfumo Wa Yehovha—1990
  • Vana Kona Eka Ntsombano Wa Muganga Wa “Tshemba Yehova” Wa 1987
    Xihondzo xo Rindza Xi Huwelela Mfumo Wa Yehovha—1987
  • Ma Amukeriwa Eka Mintsombano Ya Muganga Ya “Vabyarhi Va Ku Vonakala”
    Xihondzo xo Rindza Xi Huwelela Mfumo Wa Yehovha—1992
  • Mintsombano Ya Muganga Ya “Vululami Bya Xikwembu”
    Xihondzo xo Rindza Xi Huwelela Mfumo Wa Yehovha—1988
Vona Swo Tala
Xihondzo xo Rindza Xi Huwelela Mfumo Wa Yehovha—1989
w89 9/15 tl. 32

Ntsombano Wa Muganga Wa “Ku Chava Xikwembu”

MUAPOSTOLA Pawulo u tsarile a ku: “Twisisani leswi, leswaku emasikwini ya makumu, ku ta fika minkarhi yo nonon’hwa. Hikuva vanhu va ta va . . . lava rhandzaka ku tiphina ku tlula ku rhandza Xikwembu. Va tiendla onge hi loko va ri ni vukhongeri, kambe va ta ala matimba ya byona.”—2 Timotiya 3:1-5.

Vona ndlela leyi marito wolawo ma hlamuselaka hi ku pakanisa ha yona vo tala va lava va tivulaka Vakriste! Hi ku ya hi Mufundhisi un’wana, “namuntlha tikereke to tala ti ve . . . tindhawu ta ku tihungasa.” Hi ku hambana lokukulu, valandzeri va ntiyiso va Kriste i vanhu lava “chivirikelaka ku endla leswinene.” (Tito 2:14) Valandzeri va Yesu i “munyu wa misava” ni “ku vonakala ka misava.”—Matewu 5:13, 14.

Mintsombano ya hina ya lembe na lembe, ya muganga, ya xifundza ni ya matiko hinkwawo, i swivumbeko swin’wana swa vugandzeri bya hina leswi hi hambanisaka. Xihloko xa mintsombano ya hina ya muganga ya 1989, “Ku Chava Xikwembu,” xi kombetela eka ntikelo wa vugandzeri bya hina lebyi hi endlaka hi va lava hambaneke swinene.

Matsalwa ma kandziyisa nkoka wa ku chava Xikwembu. Ntsombano lowu wu ta va nkarhi wun’wana wa ku “titolovet[a] ku va mukhongeri, hikuva hambi loko ku tshukatshukisa miri ku ri loku pfunaka hi matlhelo man’wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.” (1 Timotiya 4:7, 8) Naswona 1 Timotiya 6:6 yi ya emahlweni yi ku: “Hakunene vukhongeri lebyi nga ni ku tsaka ka mbilu i rifuwo lerikulu.” Yesu Kriste i xikombiso lexinene xa ku chava Xikwembu.—1 Timotiya 3:16.

Rito ra Xigriki leri hundzuluxeriweke leswaku “ku chava Xikwembu” i eu·seʹbei·a. Eka Vakriste i “muxaka lowu tlakukeke wa ku tinyiketela eka Xikwembu.” Ku tinyiketela i “ku hiseka ni ku chivirika eku hetisiseni ka mintirho ya vukhongeri.” Ku chava Xikwembu i ku rhandza ka mbilu loku nga ta susumeta munhu ku hanya hi ndlela leyi tsakisaka Xikwembu. Swi vula ku rhandza Xikwembu. Hi fanele hi va ni vukheta swinene leswaku hambi hi ri emisaveni, hi nga vi xiphemu xa yona! Ku chava Xikwembu ku ta hi sivela ku endla swo biha, kambe ku tinyiketela eka Xikwembu ku ta hi susumetela ku endla leswi tsakisaka Xikwembu. Lexi khutazaka, eka 2 Petro 2:9 ha tiyisekisiwa leswaku “[Yehova wa] swi tiva ku ponisa vanhu va vukhongeri eku karhatekeni ka vona.”

Leswaku u kuma ku chava Xikwembu swi lava ku xixima Xikwembu ni Rito ra xona. Leswaku munhu a chava Xikwembu, u fanele a tiva Xikwembu hi laha ku faneleke naswona a endla hi ku pfumelelana ni vutivi byebyo. Swi lava ku khathalela xilaveko xa hina xa moya. Hikwalaho ka nkoka wa ku tirhisa ka hina ku chava Xikwembu hi xiviri, hi lava mpfuno hinkwawo lowu hi nga wu kumaka. Mintsombano ya hina ya muganga yi ta endla swo tala ku hi nyika mpfuno wolowo. Hi ku tirhisa tinkulumo, minkombiso ni ku vulavurisana, hi ta dyondzisiwa ndlela yo chava Xikwembu eka swivumbeko hinkwaswo swa vutomi bya hina.

Ha swi lava ku va Vakriste va xiviri ivi xisweswo hi hlawuleka emisaveni. Kutani tana eka mintsombano leyi u ri na ku navela lokunene ka moya. Tiyiseka ku va kona eka risimu ro sungula eka mixo wo sungula naswona u tshama ku kondza ku fika risimu ni xikhongelo swo hetelela eka ndzhenga wo hetelela. Kongomisa nyingiso wa wena eplatifomo ntsendze loko nongonoko wa ha ya emahlweni. Lwisana ni ndzingo kumbe mboyamelo wo endza hi nkari wa minongonoko. Tana u tilunghiselele ku tsala tinhla. Hi ku nyikela nyingiso lowukulu enongonokweni, u ta hlomiseriwa swinene ku tlula rini na rini ku chava Xikwembu eswivumbekweni hinkwaswo swa vutomi: endyangwini, ebandlheni ni le ka vanhu va le handle.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela