Swivutiso Swa Dyondzo Ya Broxara Leyi Nge Xana Ngati Yi Nga Byi Ponisa Njhani Vutomi Bya Wena?

Etindhawini tin’wana eka tidyondzo leti, ku kombeteriwa eka xita-ndzhaku, matluka 27-31. Tinhlamuselo ta tindzimana leti kombisiweke ti nga katsiwa edyondzweni, tindzimana ta xita-ndzhaku ti hlayiwa loko nkarhi wu pfumela.

VHIKI RO SUNGULA

Tluka 2

1-4. Ha yini swi ri enkarhini ku xiya ndlela leyi ngati yi nga ponisaka vutomi ha yona? (Vona tluka 27, tindzimana 1-3.)

Tluka 3

1, 2. Ha yini swi ri swa ntumbuluko ku xiya vutomi tanihi lebyi hlanganeke ni ngati, naswona Xikwembu xi katsekisa ku yini emhakeni leyi?

3, 4. Ha yini hi fanele ku khathalela leswi Xikwembu xi swi vulaka ehenhleni ka ngati?

5. Hi fanele ku yisa nyingiso eka Genesa 9:3-6 hi xivangelo xihi, naswona hi wihi nkoka wa ndzima yoleyo?

6. Vaisrayele a va ri ehansi ka mindzhwalo yihi malunghana ni ku xixima ngati?

Tluka 4

1, 2. Milawu ya Xikwembu yi n’wi pfune njhani Israyele wa khale, kambe a ku ri xihi xivangelo lexikulu xa mhaka leyi Israyele a papalateke ngati ha yona?

3. Nawu ehenhleni ka ngati a wu fanele ku tekisiwa ku yini loko ku humelele mhangu?

Tluka 5

1, 2. Malunghana ni nawu ehenhleni ka ngati, i xikombiso xihi lexi Yesu a xi vekeke?

3, 4. (a) Huvo ya vaapostola yi bohe yini malunghana ni Vakriste ni ngati? (b) Hi swi tivisa ku yini loko ku papalata ngati a ku ri xileriso xa nkarhinyana?

5. Hi ku ya hi vaapostola va Yesu, ku papalata ngati a ku ri ka nkoka ku fikela kwihi?

6, 7. Hi byihi vumbhoni lebyi engetelekeke lebyi kombisaka leswaku xileriso ehenhleni ka ngati a ku ri xilaveko xa hi laha ku nga heriki?

Tluka 6

1, 2. Ngati a yi tirhisiwa njhani hi tlhelo ra vutshunguri eminkarhini ya le mahlweni ka Vukriste?

3. Vakriste vo sungula va hlamule njhani eku tirhisiweni ka ngati, hambi ku ri hi tlhelo ra vutshunguri, eminkarhini ya Rhoma?

4-6. (a) Ku tirhisiwa ka mimpompelo ya ngati ku sungurise ku yini? (b) Hi ku ya hi nawu wa Xikwembu, ha yini ku pompela ngati emisiheni ku hoxile?

7. Ha yini Timbhoni ta Yehova ti ala mimpompelo ya ngati? (Vona tluka 27, tindzimana 4-6, na tluka 28, ndzimana 1.)

8. Hambi leswi xivangelo lexikulu lexi Vakriste va papalataka mimpompelo ha xona xi nga xa vukhongeri, ha yini hi fanele ku kambisisa timhaka ta swa mirhi ta vutshunguri bya ngati?

VHIKI RA VUMBIRHI

Tluka 7

1, 2. Mpompelo wa ngati wu na xivandla xihi eka vutshunguri bya manguva lawa?

3, 4. Ha yini swi twala ku xiya loko mimpompelo yi ri na khombo?

Tluka 8

1. I yini leswi hi swi vutisaka hi vutlhari malunghana ni mimpompelo ya ngati?

2, 3. Ha yini ku hambanisa tinxaka ta ngati ni ku twananisa tingati swi nonon’hwa kambe kahle-kahle swi nga anelanga?

4, 5. Mpompelo wa ngati wu nga swi vanga njhani swiphiqo swa nsawuto?

6, 7. I ku hlasela kwihi loku mimpompelo ya ngati yi nga ku endlaka endzhaku ka vuhandzuri bya khexe?

Tluka 9

1. Hi wihi nkoka wa vumbhoni malunghana ni mpompelo wa ngati ni vuhandzuri bya khexe?

2, 3. Mimpompelo yi nga endla minhlaselo yihi yin’wana ya nsawuto?

4, 5. Ha yini vanhu va fanela ku tiva hi ta khombo ra ku tshaha vuvabyi eka mimpompelo?

Tluka 10 (Bokisi)

1, 2. Khombo ra vuvabyi bya xivindzi lebyi vangiwaka hi mimpompelo ri kule ku fikela kwihi?

3. Enkarhini wun’wana, ha yini a swi vonaka onge khombo ra ku tshaha vuvabyi bya xivindzi engatini a ri ri karhi ri hluriwa?

4, 5. I swiendlakalo swihi leswi kombiseke leswaku khombo ra ku tshaha vuvabyi bya xivindzi engatini a ri nga si fanela ku honisiwa?

6-8. Ha yini ku kharhateka hi vuvabyi bya xivindzi ku nga ri nchumu wa nkarhi lowu hundzeke?

Tluka 11

1. I yini lexi nga ha kombisaka leswaku makhombo ya vuvabyi ya ngati a ma le kusuhi ni ku nyamalala?

2-4. Xana ngati yi nga paluxela munhu eka mavabyi lama nga tolovelekangiki endhawini ya ka vona hi ndlela yihi? (Nakambe vona bokisi, tluka 11.)

5-7. Ntungu wa AIDS wu swi kombise njhani leswaku mavabyi lamantshwa, lama dlayaka ma nga ha va ma fambelana na ngati?

Tluka 12

1, 2. Ha yini ku tirhisiwa ka minkambelo leswaku ku xiyiwa swisirheleri leswi lwisanaka ni xitsongwatsongwana xa AIDS na swona ku nga ri xitiyisekiso xa leswaku ngati yi hava khombo?

3-5. Ha yini nxungeto wa xitsongwatsongwana xa AIDS ku nga ri makumu ya mhaka?

6, 7. I ku karhateka kwihi lokukulu loku vatshila va nga na kona ehenhleni ka switsongwatsongwana leswi vangiwaka hi ngati?

VHIKI RA VUNHARHU

Tluka 13

1, 2. I mani loyi a lavaka nkhathalelo wa swa vutshunguri lowu nga ni ntikelo, naswona leswi swi katsa yini?

3-5. U nga swi kombisa njhani leswaku ku ni swikhomela-ndhawu swa mimpompelo ya ngati?

6-8. Ngati hakanyingi a yi pomperiwa rini, kambe ha yini mukhuva lowu a wu nga ri na xisekelo lexi tiyeke?

Tluka 14

1. I yini lexi kombisaka leswaku munhu a nga hanya hi mimpimo ya hemoglobini leyi nga ehansi ka leyi yi tolovelekeke?

2, 3. Loko u lahlekeriwa hi ngati hi xihatla, i yini lexi lavekaka, naswona xiphiqo lexi xi nga tamerisiwa ku yini?

4. Ha yini swihalaki leswi nga riki ngati swo siva vholumo swi humelela?

5. Madokodela ma nga pfuna muvabyi ku hlangavetana ni ku lahlekeriwa hi tisele to tshwuka hi ndlela yihi?

Tluka 15

1. I yini lexi nga endliwaka leswaku ku hatlisisiwa ku vumbiwa ka tisele to tshwuka?

2-4. Hi nkarhi wa vuhandzuri, xana ku lahlekeriwa hi ngati ku nga hungutisiwa ku yini?

Tluka 16

1-3. I vumbhoni byihi lebyi kombisaka leswaku vuhandzuri lebyikulu handle ka mimpompelo bya koteka?

4-6. I nxaxamelo wihi lowukulu wa vuhandzuri lowu kotekaka handle ko tirhisa ngati? (Vona tluka 28, tindzimana 2-4.)

Tluka 17

1. Hi yihi mimbuyelo leyinene leyi kumiweke eka vuhandzuri bya mbilu laha ngati yi nga tirhisiwangiki kona?

2-4. Xana vavabyi lava va nga Timbhoni va xi hoxa njhani xandla eka vuyelo lebyinene lebyi hi ntolovelo byi tokotiwaka eka vuhandzuri lebyi nga katsiki ngati?

VHIKI RA VUMUNE

Tluka 17

5, 6. Nkambisiso wa makhombo/mimpfuno i yini, naswona wu tirhisiwa hi ndlela yihi?

Tluka 19

1, 2. I xiphemu xihi lexi muvabyi a xi tekaka eka minkambisiso ya makhombo/mimpfuno?

3-5. Ha yini vutshunguri bya ngati byi katsiwa hi laha ku faneleke eku ringaniseni ka makhombo ni mimpfuno? (Vona tluka 31, tindzimana 1, 2.)

6. Hi wihi nawu-nsinya lowu nga enawini lowu khumbaka mfanelo ya wena yo hlawula vutshunguri bya swa mirhi? (Vona tluka 30, tindzimana 1-8.)

Tluka 18 (Bokisi)

1-4. Vavabyi lava va nga Timbhoni va endla yini ku ntshunxa ku khathalela ka le nawini ka vatirhi va swa vutshunguri? (Vona tluka 28, ndzimana 5.)

5-7. Hikwalaho ka leswi Timbhoni ti nga ta swi endla leswaku ti herisa ku khathalela ka le nawini, ha yini swi twala leswaku madokodela ni swibedlhele swi va ni ntirhisano?

Tluka 20

1-3. Vatirhi van’wana va swa vutshunguri va hlamurise ku yini eka xiyimo lexi Timbhoni ti xi tekaka?

4, 5. Tihuvo ti katsekise ku yini etimhakeni tin’wana ta vavabyi lava va nga Timbhoni?

Tluka 21

1, 2. Ha yini ku lava mpfuno etihubyeni ku nga ri ndlela leyinene yo tamela timhaka leti katsaka Timbhoni ni ngati?

3, 4. Ha yini swi nga fanelanga ku ya etihubyeni hambi loko muvabyi a ri n’wana?

5, 6. I mfanelo yihi ya vatswari leyi tirhaka eku hlawuleleni ka vana ka vutshunguri? (Vona tluka 28, ndzimana 6, na tluka 29, ndzimana 1.)

7-tl. 22, ndz. 3. Hi swihi swikombiso swin’wana swa le nawini swa leswaku vatswari va fanele ku ntshunxeka eku endleni ka swiboho swa vutshunguri eka vana va vona?

Tluka 22

4. Ha yini vatswari lava va nga Timbhoni ni vatirhi va swa vutshunguri va fanele ku tirhisana?

VHIKI RA VUNTLHANU

Tluka 22

5, 6. I mintiyiso yihi leyikulu leyi u fanelaka ku va na yona emianakanyweni ehenhleni ka ngati ni xikombelo xa Mbhoni xa vutshunguri bya swa mirhi lebyi nga riki bya ngati?

Tluka 23

1-3. Hambi loko van’wana va fa hi ku ala ngati, i yini lexi hi nga fanelangiki ku xi honisa? (Vona tluka 29, tindzimana 2-5, na tluka 31, tindzimana 3-5.)

4, 5. Hi rihi langutelo ra xiviri malunghana ni rifu ni ngati?

Tluka 24

1, 2. I yini lexi nga hi pfunaka ku twisisa ndlela leyi ngati yi ponisaka vutomi ha yona hakunene?

3-tl. 25, ndz. 1. Eminkarhini ya le mahlweni ka Vukriste, langutelo ra Xikwembu hi ngati a ku ri rihi, naswona ha yini?

Tluka 25

2. Ngati a yi katsekisa ku yini hi Siku ra ku Phahlelana Mariyeta, naswona ha yini hi fanele ku va ni mhaka na swona?

3, 4. Ku ni ku hlangana kwihi exikarhi ka Siku ra ku Phahlelana Mariyeta ni ntirho wa Yesu?

5. (a) Hi xihi xivangelo lexikulu xa mhaka leyi Vakriste va papalataka ngati ha yona? (b) Ha yini hi nga fanelanga ku kandziyisa makhombo ya mimpompelo ya ngati ku tlula mpimo?

6, 7. (a) Ngati yi hlangane njhani ni xiyimo xa hina eka Xikwembu? (b) I dyondzo yihi leyi hi fanelaka ku yi twisisa tanihi leyi yi nga xisekelo eka langutelo ra hina ehenhleni ka ngati?

8. Ha yini hi nga vulaka leswaku xiyimo xa Timbhoni ehenhleni ka ngati xi kombisa xichavo eka vutomi?

Tluka 26

1, 2. Ngati yi katsekisa ku yini eka vumundzuku bya hina lebyi nga heriki?