Minhlangano Ya Ntirho Ya July

Vhiki Leri Sungulaka Hi July 6

Risimu 123

10 min: Switiviso leswi faneleke leswi humaka eka Vutirheli Bya Hina Bya Mfumo ni switiviso swin’wana swa bandlha. Nakambe, kombisa tinhla timbirhi leti kongomeke leti ti nga ha tirhisiwaka loko ku fambisiwa Xihondzo xo Rindza xa July 1, 1992. Khutaza muhuweleri un’wana ni un’wana ku swi endla pakani yakwe ku hlanganyela nkarhi na nkarhi evutirhelini vhiki na vhiki ni ku yisa xiviko hi ku hatlisa eku heleni ka n’hweti.

20 min: “Fambisa Tibroxara Leswaku U Avelana Ni Van’wana Ntshembo Wa Wena Wa Mfumo.” Bulo ra swivutiso ni tinhlamulo; minkombiso. Tivisa bandlha hi xitoko xa tibroxara leti nga kona, naswona u kombela tinhlamuselo eka vayingiseri mayelana ni tibroxara leti ti nga ta faneleka swinene ensin’wini ya ka n’wina. Loko mi hlanganisa ndzimana 9, kombisa ndlela leyi broxara leyi faneleke yi nga ha nyikeriwaka ha yona hi xitshuketa eka muakelani, eka mutirhi-kulobye kumbe kun’wana. Loko nkarhi wu pfumela, vana ni vahuweleri lava averiweke ka ha ri emahlweni leswaku va hlamusela mintokoto leyi va veke na yona eku tirhiseni ka tibroxara. Khutaza vamakwerhu hi matimba leswaku va hlanganyela hi xitalo eku nyikeleni ka tibroxara hi July.

15 min: Ndlela Leyi Ndzi Kumeke Ntiyiso Ha Yona. Mintokoto. Nkulu u vulavurisana ni vanhu vambirhi kumbe vanharhu. Vulavula hi ndlela leyi Rito ra Xikwembu ni nhlengeletano swi va susumeteleke ha yona leswaku va tinyiketela ni ku khuvuriwa. Kandziyisa mimbuyelo leyi va yi kumaka hi ku va va ri entiyisweni.

Risimu 165 ni xikhongelo xo pfala.

Vhiki Leri Sungulaka Hi July 13

Risimu 193

10 min: Switiviso swa bandlha. Xiviko xa timali. Marungula Ya Swa Mfumo. Tsundzuxa bandlha hi malunghiselelo ya ntirho wa nsimu.

20 min: “Ku Hlanganisa Xingheniso Xa Hina Ni Buku.” Nkulumo yo koma ni minkombiso. Lunghiselela muhuweleri lontshwa leswaku a kombisa rungula ra Matsalwa a tirhisa swiringanyeto leswi andlariweke eka ndzimana 2. Loko u vulavula hi Esaya 65:21-23, tirhisa ku tshinelela loku kombisiweke eka ndzimana 5. Muhuweleri un’wana a nga ha kombisa nyiko ya broxara leyi nge “Vonani,” a hlanganisa swiringanyeto leswi nga eka ndzimana 3 na 4. Etimhakeni ha timbirhi mutshama-xitulu u fanele ku kandziyisa ndlela leyi rungula ri hlanganisiweke ha yona ni nyiko ya buku. Eka nkombiso wun’wana kombisa ndlela leyi muhuweleri a nga yaka emahlweni ha yona loko n’wini wa muti a nga kombisi ku tsakela ko karhi. Tsundzuxa bandlha ku tikumela tibroxara ni timagazini endzhaku ka minhlangano.

15 min: Swivutiso Mayelana Ni Armagedoni. Nkulumo leyi hlanganisaka mhaka leyi nga ebukwini leyi nge Reasoning, matluka 44-9.

Risimu 137 ni xikhongelo xo pfala.

Vhiki Leri Sungulaka Hi July 20

Risimu 8

15 min: Switiviso swa bandlha. Bula hi xiviko xa bandlha xa ntirho wa nsimu xa June, u nyika xibumabumelo ni xikhutazo lexi lavekaka xo antswisa. Kombisa leswaku ku xiya ndzimana ya lembe kun’we ni mongo wa kona swi hi pfunisa ku yini ku kuma ntsako wa ntiyiso loko hi hlanganyela entirhweni wa nsimu ni ku tihlanganisa ni bandlha. (Varhoma 12:9-16) Bula hi malunghiselelo lama heleleke ya nsimu leyi nga aviwangiki loko ma ri kona. Tirhisa tinhla leti humaka eka xiengetelo xa papila ra June 1, 1992. Khutaza hinkwavo ku seketela malunghiselelo ya tsima leri hi xitalo.

15 min: “Xana Wa Ti Nyikela Tidyondzo Ta Bibele?” Bulo ra swivutiso ni tinhlamulo ri landzeriwa hi mintokoto leyi hlawuriweke leyi kombaka ndlela leyi tidyondzo ta Bibele ti nga sunguriwaka ha yona eka riendzo ro sungula kumbe eka riendzo ro vuyela.

15 min: Swilaveko swa bandlha kumbe nkulumo leyi sekeriweke eka xihloko lexi nge “‘Hambetani Mi Ololoxeka’” eka Xihondzo xo Rindza xa November 1, 1990.

Risimu 184 ni xikhongelo xo pfala.

Vhiki Leri Sungulaka Hi July 27

Risimu 180

10 min: Switiviso swa bandlha. Bokisi Ra Swivutiso. Mulanguteri wa ntirho a nga ha averiwa ku tamela xiyenge lexi.

20 min: “Ku Hlakulela Ku Tsakela Rungula Ra Mfumo.” Endzhaku ka xingheniso xo koma, kombisa riendzo ro vuyela eka (1) munhu la tekeke timagazini ta sweswinyana, (2) eka munhu la kombiseke ku tsakela kambe a nga tekanga buku, ni le ka (3) munhu la tekeke broxara leyi nge “Vonani.” Eka riendzo rin’wana ni rin’wana veka masungulo ya riendzo leri landzelaka.

15 min: “Ku Amukela, Ku Tirhisa Ni Ku Pfuneka eRitweni Ra Xikwembu.” Kombela marito yo koma lama lunghiseleriweke yo tlangela tinhlengeletano ta xifundza hinkwato. U nga ha yisa nyingiso eka tinhla ta nkoka leti dyondziweke eka nhlengeletano leyi hundzeke ya xifundza. Kutani u va ni bulo ra swivutiso ni tinhlamulo ra xihloko lexi eka tluka 1. Tivisa siku ra nhlengeletano ya xifundza leyi landzelaka loko mi ri tiva, ivi u khutaza hinkwavo leswaku va va kona.

Risimu 157 ni xikhongelo xo pfala.