Vana Phayona Ra Nkarhinyana Hi December
1 Hinkwerhu hi endla kahle loko hi tivutisa leswaku: ‘Xana ndzi ta va mubyarhi wa ku vonakala ku fikela kwihi hi December? Xana ndzi nga swi kota ku va phayona ra nkarhinyana?’—Mt. 5:14, 16.
2 Hi ntolovelo vantshwa lava khuvuriweke va va na nkarhi wo tala lowu va nga yiki exikolweni hi nkarhi wo wisa. Vatswari van’wana ni vahuweleri van’wana lava kuleke va nga ha swi kota ku fambisana ni vahuweleri lavantshwa entirhweni wa nsimu lowu engetelekeke hi n’hweti yoleyo. Vo tala lava tirhaka nkarhi hinkwawo na vona va ta kuma nkarhi lowu engetelekeke wa ku endla vutirheli lebyi byo ponisa vutomi.
3 Yinhla-nkulu ya ku kota ku va phayona ra nkarhinyana i ku tiyimisela ku endla matshalatshala lamakulu lama lavekaka. (Lk. 13:24) Loko hi hlela ntirho wa hina hi vukheta, ku katsa ni timhaka ta ndyangu ni ta vandlha, hi nga va na wona nkarhi leswaku hi ta kuma ntsako wa ku va phayona ra nkarhinyana.
4 Xana u nga swi kota ku engetela vutirheli bya wena hi December? Ku endla sweswo swi nga ku pfuna leswaku u tiya nhlana etinyangweni kutani u va ni mintokoto leyi akaka. Xisweswo u nga va ni ntsako lowukulu.—Mint. 20:35.