Minhlangano Ya Ntirho Ya November

Vhiki Leri Sungulaka Hi November 2

Risimu 49

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Hlamusela rungula leri nga ebokisini malunghana ni tiadirese ta rhavi. Bumabumela vahuweleri hikwalaho ka xiphemu lexi va xi endlaka entirhweni wa ku chumayela hi Mfumo. Ringanyeta tinhla to vulavurisana leti humaka eka timagazini ta sweswinyana leti nga ta tirhisiwa endhawini ya ka n’wina.

15 min: “Matimba Ya Rito Ra Xikwembu.” Swivutiso ni tinhlamulo. Khutaza hinkwavo leswaku va hlaya xiphephana lexi nge Mhaka Leyi U Nga Tshembaka Bibele Ha Yona, va languta swivulwa swo bula ha swona ni mhaka yo olova, leyi tiyeke ya ku yi tirhisa entirhweni wa nsimu.

20 min: “Veka Masungulo Eka Riendzo Ra Wena Ro Sungula.” Makwerhu loyi a tamelaka xiyenge lexi u ta va ni minkombiso ya mune, a kombisa xin’wana xa swingheniso leswi boxiweke eka tindzimana 2 na 3 ni ku kombisa yin’wana ni yin’wana ya tinhla leti nga eka tindzimana 4, 5 na 6. Nkombiso wo hetelela wu fanele ku komba ndlela leyi buku leyi nge Rito Ra Xikwembu yi nga fambisiwaka ha yona eka riendzo ro sungula.

Risimu 52 ni xikhongelo xo pfala.

Vhiki Leri Sungulaka Hi November 9

Risimu 141

5 min: Switiviso swa vandlha ni Marungula Ya Swa Mfumo.

15 min: “Xana Wa Swi Landzela Switsundzuxo?” Nkulumo hi mulanguteri la ungamelaka, leyi humaka eka Xihondzo xo Rindza xa October 1, 1990, matluka 30-1. Mhaka yi fanele yi endliwa yi tirha eka swilaveko swo karhi swa vandlha: ku vika ntirho wa nsimu hi nkarhi, ku basisa Holo ya Mfumo, ku fika hi nkarhi eminhlanganweni ya ntirho wa nsimu, ku lawula vana eHolweni ya Mfumo ni swin’wana. Bumabumela laha swi fanelaka kona, naswona u pfuna hinkwavo va twisisa ndlela leyi vandlha hinkwaro ri pfunekaka ha yona, naswona ntirho wa malandza lama vekiweke wa vevukisiwa loko hinkwerhu hi landzela switsundzuxo.

10 min: “Vana Phayona Ra Nkarhinyana Hi December.” Hlanganisa mhaka leyi hi swivutiso ni tinhlamulo, hi ku hiseka. Tivisa malunghiselelo ya vandlha ya ntirho wa nsimu ni malunghiselelo yo hlawuleka lama nga ta endliwa ya mintlawa leyikulu hi December.

15 min: “Xana Wa Ti Tlangela Tibuku Ta Hina?” Nkulumo leyi khutazaka.

Risimu 27 ni xikhongelo xo pfala.

Vhiki Leri Sungulaka Hi November 16

Risimu 179

15 min: Switiviso swa vandlha, ku katsa ni xiviko xa timali ni ku khensa minyikelo. Bumabumela vandlha hi nseketelo wa timali wa vandlha swin’we ni Nkwama Wa Sosayiti Wa Ku Aka Ka Tiholo Ta Mfumo ni ntirho wa misava hinkwayo wa Sosayiti. Vatswari ngopfu-ngopfu va fanele va endla leswaku vana va xikolo va lunghekela timhaka leti nga ha tlakukaka hi nkarhi wo wisa, va tirhisa matluka 17-21 ya broxara leyi nge School.

20 min: “Ndlela Ya Ku Hlakulela Ku Tsakela.” Nkulumo ni minkombiso, yi fanele ku tameriwa hi mulanguteri wa ntirho. Endla minkombiso ya tindlela leti xaxametiweke eka tindzimana 5 na 6. Endla leswaku minkombiso yi olova, yi twisiseka.

10 min: “Hlawula Tinhla Leti Faneleke To Vulavurisana.” Bulo exikarhi ka nuna ni nsati va lunghiselela ntirho wa nsimu.

Risimu 198 ni xikhongelo xo pfala.

Vhiki Leri Sungulaka Hi November 23

Risimu 54

10 min: Switiviso swa vandlha. Endla nkombiso wa matirhiselo ya yinhla yo vulavurisana leyi humaka eka magazini wa sweswinyana, leyi nga ta tirhisiwa eka mahelo-vhiki lawa. Tirhisa swiringanyeto leswi nyikeriweke eka Nhlangano wa Ntirho wa vhiki leri nga hundza.

20 min: “Ku Titshega Hi Yehovha Eka Hinkwaswo Leswi Hi Swi Endlaka”—Xiyenge 1. Bulo ra tindzimana 1 ku ya ka 13 ta xiengetelo hi vamakwerhu vambirhi, ngopfu-ngopfu lava va tirhaka eka Komiti Yo Aka Ya Xifundzha endhawini yoleyo. Ku nga ha katsiwa mintokoto ya kwalaho. Khutaza swinene hinkwavo lava fanelekaka ku pfuna.

15 min: Xivangelo Xa Ku Ka Hi Nga Tlangeli Masiku Ya Ku Velekiwa. Bulo exikarhi ka nkulu ni mufana wa malembe ya le hansi, la nga riki na tatana loyi a nga xikombiso lexinene. Mufana u ya eka nkulu a ya kombela ku pfuniwa leswaku a hlangavetana ni ntshikilelo wa tintangha, leswaku a ya exinkhubyanini xa siku ra ku velekiwa. Wa swi tiva leswaku swi hoxile kambe u lava ku kota ku swi hlamusela kahle eka van’wana. Hi musa ni hi marito yo olova, nkulu u kambisisa ni mufana loyi, rungula leri nga eka matluka 30-1 ya Xihondzo xo Rindza xa September 1, 1992, ni matluka 68-70 ya buku leyi nge Reasoning.

Risimu 24 ni xikhongelo xo pfala.

Vhiki Leri Sungulaka Hi November 30

Risimu 104

10 min: Switiviso swa vandlha. Pfuxeta tinhla ta papila leri humaka eka Sosayiti, ra August 15, 1992, u khutaza vahuweleri ku hoxa swiviko swa vona eBokisini ra Xiviko eHolweni ya Mfumo.

15 min: Ku Tirhisa Buku leyi nge Nghwazi leswaku hi Vangamisa Ku Vonakala Ka Hina Hi December. Nkulumo ni nkombiso. Va khutaze hinkwavo leswaku va tiva tinhla ta ntirho hi nhloko. Ringanyeta tinhla to vulavurisana leti sekeriweke eka tindzima leti dyondziweke eka Dyondzo ya Buku ya Vandlha eku sunguleni ka n’hweti.

20 min: “Ku Titshega hi Yehovha Eka Hinkwaswo Leswi Hi Swi Endlaka”—Xiyenge 2. Ku hlanganisa tindzimana 14 ku ya ka 25 ta xiengetelo hi swivutiso ni tinhlamulo. Kandziyisa xiphemu lexi muhuweleri un’wana ni un’wana a nga vaka na xona hi (1) ku pfuneta loko a faneleka ni loko swiyimo swi pfumela, (2) hi ku nyikela hi mali eka Nkwama Wa Sosayiti Wa Ku Aka Tiholo Ta Mfumo ni (3) ku seketela mintirho ya vandlha loko van’wana va ye eswiavelweni swa ku aka.

Risimu 4 ni xikhongelo xo pfala.