Minhlangano Ya Ntirho Ya December
XIYA: Vutirheli Bya Hina Bya Mfumo byi ta kombisa xiyimiso xa Nhlangano wa Ntirho wa vhiki rin’wana ni rin’wana etin’hwetini ta ntsombano. Mavandlha ma nga ha endla hi laha swi lavekaka ha kona leswaku ma kota ku ya entsombanweni wa muganga kutani ku va ni mpfuxeto wa 30 wa timinete wa tinhla-nkulu ta nongonoko eka Nhlangano wa Ntirho wa vhiki leri landzelaka. Mpfuxeto wa siku na siku wu nga ha averiwa vamakwerhu vambirhi kumbe vanharhu lava fanelekaka ka ha ri na nkarhi, lava nga ta swi kota ku hlawula tinhla-nkulu. Mpfuxeto lowu wu lunghiseleriweke kahle wu ta pfuna vamakwerhu ku tsundzuka tinhla-nkulu leswaku va ti tirhisa hi voxe ni ku ti tirhisa ensin’wini. Tinhlamuselo ta vayingiseri ni mintokoto leyi runguriwaka yi fanele yi koma ni ku ba nhloko ya mhaka.
Vhiki Leri Sungulaka Hi December 7
Risimu 218
15 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Ringanyeta tinhla to vulavurisana leti humaka eka timagazini leti nga ta fambisiwa entirhweni wa nsimu eka mahelo-vhiki lawa. Tivisa malunghiselelo lama endliweke hi vakulu leswaku vantshwa va kota ku hlanganyela evutirhelini hi nkarhi wo wisa wa xikolo. Loko va ri kona, vulavurisana ni muhuweleri un’we kumbe vambirhi lava nghenaka xikolo, lava hlanganyelaka entirhweni wa vuphayona bya nkarhinyana hi December. Khutaza hinkwavo evandlheni leswaku va seketela ni ku tirha swin’we ni vantshwa lava. Tanihi leswi vo tala swi nga ha endlekaka leswaku va va eku wiseni kumbe va ya entsombanweni eku heleni ka December, khutaza vahuweleri hinkwavo ku nghenisa xiviko xa vona ebokisini ra swiviko va nga si famba.
15 min: “Khutaza Van’wana Leswaku Va Yisa Nyingiso Eka Yesu.” Nkulumo leyi khutazaka, leyi kombaka ntikelo wa buku leyi nge Nghwazi eku pfuneni ka vanhu leswaku va kuma vugandzeri lebyinene.
15 min: Xana Malunghiselelo Ya Wena Ya Ku Ya eNtsombanweni Wa Muganga Se Ma Helerile? Bulo leri hisaka exikarhi ka nkulu ni nandza wa vutirheli. (Tirhisa vamakwerhu lava va nga ta ya entsombanweni lowu averiweke vandlha ra ka n’wina.) Bula hi xivangelo xa ku va kona ka hina emintsombanweni. (Det. 31:12, 13) Hinkwerhu hi fanele hi yingiserisisa hi ri ni xikongomelo xa ku vona leswaku hi nga ri tirhisa njhani rungula leri evuton’wini bya hina ni le ntirhweni wa nsimu. Hi fanele hi kambisisa kahle leswaku hinkwavo va na swona swo famba ha swona. Ku ni switsundzuxo leswi hinkwerhu hi faneleke hi swi tsundzuka. A nga kona loyi a nga ta hlela vuhungasi bya ni vusiku hi nkarhi wa ntsombano, tanihi leswi hinkwerhu hi lavaka ku wisa kahle. Hi fanele hi hlela ku veka vumbhoni. Eka vamani? Eka vanhu lava hi va kumaka loko hi famba ni lomu ku cheriwaka kona petirolo, etikhefini, etihoteleni ni kun’wana. A hi lunghiseleleni ka ha ri sweswi, hi va ni tibuku leti ringaneke to ti fambisela vanhu lava hi nga ta vulavula na vona loko hi ri eku wiseni ni loko hi ri entsombanweni. (Nakambe mi nga katsa tinhla leti fanelaka leti humaka eka xiengetelo xa October 1992 xa Vutirheli Bya Hina Bya Mfumo.)
Risimu 205 ni xikhongelo xo pfala.
Vhiki Leri Sungulaka Hi December 14
Risimu 20
10 min: Switiviso swa vandlha. Katsa ni swiviko swa timali ni ku bumabumela minyikelo. Nkhensa vandlha hikwalaho ka nseketelo lowunene wa swilaveko swa vandlha ni Nkwama Wa Sosayiti Wa Ku Aka Tiholo ta Mfumo ni ntirho wa Sosayiti wa misava hinkwayo. Loko nkarhi wu pfumela, hlamusela mintokoto leyi hlawuriweke malunghana ni ku tirhisa buku leyi nge Nghwazi eku pfuneni ka vanhu leswaku va kuma vugandzeri bya ntiyiso. Tivisa malunghiselelo yo hlawuleka lama endliweke ya ku veka vumbhoni hi December 25.
20 min: “Avela Van’wana Vutivi Lebyi Kongomeke Hi Yesu Kreste.” Swivutiso ni tinhlamulo. Endla nkombiso wa matirhiselo ya buku leyi nge Nghwazi hi laha swi kombisiweke ha kona eka ndzimana 2.
15 min: “Hambeta U Vulavula Hi Swilo Leswi U Swi Voneke Ni Leswi U Swi Tweke.” Nkulumo. Katsa ni mintokoto leyi hlawuriweke ya le vandlheni ya vantshwa lava nga maphayona ya nkarhinyana kumbe lava tirhiseke kahle nkarhi wa vona wo wisa leswaku va hlanganyela hi laha ku engetelekeke evutirhelini.
Risimu 71 ni xikhongelo xo pfala.
Vhiki Leri Sungulaka Hi December 21
Risimu 53
8 min: Switiviso swa vandlha; katsa ni xitiviso xa ku veka vumbhoni hi ndlela yo hlawuleka hi January 1. Ringanyeta yinhla yin’we kumbe timbirhi to vulavurisana leti ti nga tirhisiwaka eka marito ya xingheniso eka mahelo-vhiki lawa entirhweni wa nsimu.
15 min: “Landzelela Ku Tsakela Hi Vutlharhi eNkarhini Wo Wisa.” Bulo ni vayingiseri. Endla nkombiso wa tinhla leti nga eka ndzimana 3 na 4.
10 min: Bokisi Ra Swivutiso. Nkulumo hi nkulu.
12 min: Marito Ya Vahuweleri Lavatsongo. Sungula xiyenge lexi hi ku boxa nhlayo ya vanhu lava nghenaka xikolo lava nga kona evandlheni. I vangani lava khuvuriweke? I vangani lava nga vahuweleri lava nga khuvuriwangiki? Nakambe u nga vula tinhlayo ta ntirho wa nsimu leswaku u kombisa leswi vantshwa va swi endlaka. Va bumabumele loko swi fanerile. Kutani rhamba vana van’wana lava lunghiseleleke, va hlamusela leswaku va faneleke njhani leswaku va va vahuweleri lava nga khuvuriwangiki, va boxa ni nchumu lowu wu va endlaka va tsakela ntirho wa nsimu ni ku tsakela ku hlanganyela hi xitalo. Hi tihi tipakani ta vona ta nkarhi lowu taka? Lava ku vulavuriwaka na vona va fanele va vula marito ya vona hayi ku phindha marito lawa va komberiweke ku ma vula.
Risimu 128 ni xikhongelo xo pfala.
Vhiki Leri Sungulaka Hi December 28
Risimu 196
10 min: Switiviso swa vandlha. Marungula Ya Swa Mfumo. Endla nkombiso wa matirhiselo ya buku leyi mi nga ta yi fambisa hi January.
10 min: “Tiletele U Ri Ni Xikongomelo Xa Ku Chava Xikwembu.” Nkulumo leyi khutazaka hi mulanguteri wa Xikolo Xa Vutirheli Bya Le Tilweni. Hlamusela kahle ndlela leyi Nkulumo ya No. 2 yi nga ta nyikeriwa ha yona, naswona u tsundzuxa lava averiwaka tinhla-nkulu ta Bibele leswaku va nga hlamuseli ngopfu eka xiyenge xa Bibele lexi hlawuleriweke Nkulumo ya No. 2.
13 min: “U Nga Kuma Nchavelelo eMinkarhini Ya Gome.” (wTS92 7/15 matl. 19-22) Nkulumo yo khutaza, leyi nyikeriwaka hi nkulu.
12 min: Swilaveko swa vandlha.
Risimu 103 ni xikhongelo xo pfala.