Marungula Yo Olova, Lama Humelelaka

 ¹ Yesu u twarise Mfumo wa Xikwembu hi ndlela yo olova, leyi kongomeke. A a swi tiva leswaku lava fanaka ni tinyimpfu a va ta angula kahle loko va twa ntiyiso. Nakambe a a swi tiva leswaku vanhu va hambana hi miehleketo, swilo leswi va swi tsakelaka ni vuswikoti byo anakanya. Hi laha ku faneleke, u tirhise swingheniso swo tala leswo olova, swivutiso ni swifaniso leswaku a koka nyingiso wa vayingiseri vakwe ni ku khumba timbilu ta vona. Hi nga tekelela kahle xikombiso xakwe ni ku tirhisa marungula yo olova, lama humelelaka.

 ² Tirhisa Buku Leyi Nge Reasoning Hi Laha Ku Humelelaka: Xingheniso xo sungula ehansi ka xihloko lexi nge “Employment/Housing” eka tluka 11 ra buku leyi nge Reasoning xi le nkarhini naswona xa olova ku xi tirhisa.

U nga ha ku:

◼ “A hi ri karhi hi vulavula ni vaakelani va wena malunghana ni leswi swi nga endliwaka leswaku un’wana ni un’wana a ta kuma ntirho ni vutshamo. Xana u ehleketa leswaku i swinene ku langutela leswaku tihulumendhe ta vanhu ti ta swi endla leswi? . . . Kambe ku na un’wana loyi a tivaka ku tlhantlha swiphiqo leswi; yena i Muvumbi wa vanhu.” Hlaya Esaya 65:​21-23. Kutani u nga vutisa n’wini wa muti leswaku u swi twisa ku yini sweswo.

 ³ Xingheniso ehansi ka xihloko lexi nge “Injustice/Suffering” eka tluka 12 xi ta tsakisa vo tala namuntlha.

U nga ha vutisa u ku:

◼ “Xana u tshame u tivutisa: Xana hakunene Xikwembu xi ni mhaka ni vuhomboloki ni ku xaniseka ka vanhu?” Yimela n’wini wa muti a hlamula kutani u hlaya Eklesiasta 4:⁠1 na Pisalema 72:​12-14. Pfula eswifanisweni leswi nga eka matluka 150-⁠3 ebukwini leyi nge Hanya Hi Masiku kutani u komba hi ku komisa ndlela leyi swiyimo swa misava namuntlha swi hetisisaka vuprofeta bya Bibele ha yona. Kutani u pfula eka matluka 161-⁠2 u komba swin’wana leswi Xikwembu xi swi tshembiseke ku katekisa vanhu. Vutisa n’wini wa muti leswaku i yini lexi n’wi tsakisaka ngopfu.

 ⁴ Loko n’wini wa muti a nga yi tsakeli buku kumbe loko se a ri na yona, ha yini u nga fambisi timagazini timbirhi? Nkarhi hinkwawo ringeta ku siyela n’wini wa muti tibuku to tanihi broxara kumbe xiphephana xa mahala.

Hi xikombiso, loko nyiko ya buku yi nga tekiwi, u nga ha ku:

◼ “Broxara leyi, Xana Xikwembu Xa Hi Khathalela Hakunene?, yi swi veka erivaleni leswi Xikwembu xi tshembiseke ku swi endla leswaku xi khathalela swilaveko swa hina swa siku na siku ni ku komba ndlela leyi hi nga pfunekaka ha yona.” Pfula matluka 26 na 27 ya broxara leyi, kutani u hlamusela ndzimana 21.

 ⁵ Loko u ehleketa ku siya xiphephana, tanihi lexi nge Xana Misava Leyi Yi Ta Pona?, u nga tirhisa ndlela leyi landzela⁠ka:

U nga ha ku:

◼ “Ku ni maxangu ni swiphiqo swo tala emisaveni namuntlha. Xiphephana lexi xi komba leswaku nyimpi, ku pfumaleka ka swakudya ni swiphiqo swa rihanyo swi profetiwile hinkwaswo eBibeleni. Kambe Xikwembu xi tshembise ni ku hundzula swilo swa vanhu hi ndlela leyi hlamarisaka.” Hlaya ndzimana yo hetelela eka tluka 5 ra xiphephana.

 ⁶ Ku tsakela ka hina vanhu, kun’we ni rungula ro olova ni leri humelelaka leri khumbaka mbilu, ri ta tsakisa hakunene eka vanhu lava fanaka ni tinyimpfu.​​—⁠⁠Yoh. 10:⁠16.