Vhidiyo Leyi Nge The Bible—Mankind’s Oldest Modern Book
1 Bibele i buku leyi hangalasiweke swinene ematin’wini hinkwawo. Ku hava buku leyi tshameke yi hundzuluxeriwa hi tindzimi to tala swinene ku fana na yona. Ku tlula kwalaho, ku hava ntlawa wa vanhu lowu hisekaka tanihi Timbhoni ta Yehovha eku hangalaseni ka Bibele ni ku yi twarisa erivaleni tanihi Rito ra Xikwembu.
2 Tanihi leswi yi nga Rito ra Xikwembu, hi nga va ni ntshembo wa leswaku yi nyika tinhlamulo leti tirhaka eka swiphiqo swa manguva lawa. Naswona nhlengeletano ya Yehovha yi nyikela mpfuno lowu tirhaka wo kuma tinhlamulo to tano hi tibuku kun’we ni tivhidiyo. Hi laha swi tivisiweke ha kona eka Vutirheli Bya Hina Bya Mfumo bya June 1994, vhidiyo ya vumbirhi eka letinharhu, leyi humesiweke hi Xinghezi leyi nge The Bible—Mankind’s Oldest Modern Book, leyi kombisaka ku huhuteriwa ka Bibele, sweswi ya kumeka naswona yi nga odiwa hi ku tirhisa vandlha. Yi lehe timinete ta 40.
3 Tanihi vhidiyo leyo sungula enxaxamelweni lowu, vhidiyo leyi ya vumbirhi na yona yi aka ntshembo eBibeleni tanihi nkongomiso wa Xikwembu. Yi tirhisa swifaniso leswi tshuka-tshukaka leswi tekiweke ematikweni ya minkarhi ya Bibele ni le ka timuziyamu emisaveni hinkwayo leswaku swi ta kota ku hi pfuna ku xiya ndlela leyi Yehovha Xikwembu a sirheleleke Bibele ha yona hi malembe-xidzana ku fikela namuntlha. U ta vona ndlela leyi ku kongoma ka Bibele ku hlayisiweke ha yona ku nga khathariseki ku kopiwa ni ku hundzuluxeriwa ka yona hi ku phindha-phindha. U ta vona ndlela leyi buku leyi ya Xikwembu yi sirheleriweke ha yona ku nga khathariseki nkaneto lowukulu eku hangalasiweni ka yona. Nakambe u ta vona vumbhoni lebyi hanyaka bya ndlela leyi Bibele yi cinceke vutomi bya vanhu byi va lebyo antswa ha yona.
4 Vhidiyo leyi yi ta va ya nkoka swinene eka bulo ra ndyangu ra Bibele ni le ka swikongomelo swin’wana leswi tirhaka—tanihi leyo sungula. Hi ni ntshembo wa leswaku Yehovha u ta katekisa ku tirhisiwa ka yona. Lava nga siki yi odaka va nga endla tano hi ku hatlisa hi ku tirhisa ndzawulo ya tibuku evandlheni ra vona. Vhidiyo leyi nge The Bible—Accurate History, Reliable Prophecy ni leyi nge Jehovah’s Witnesses—The Organization Behind the Name ta ha kumeka na tona.