Minhlangano Ya Ntirho Ya September

Vhiki Leri Sungulaka Hi September 2

Risimu 98

12 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo, ngopfu-ngopfu vafambisi va Dyondzo ya Buku ya Vandlha, leswaku va pfuxeta xihloko lexi nga eka Vutirheli Bya Hina Bya Mfumo bya September 1992 lexi nge “Ku Dyondza Nghwazi Leyi Tshameke Yi Hanya.” Kandziyisa tinhla-nkulu ta xihloko lexi. Tsundzuxa vahuweleri leswaku va vika ntirho wa vona wa nsimu wa August hi ku hatlisa. Leswi August a yi ri n’hweti yo hetelela ya lembe ra ntirho, matsalana ni vafambisi va dyondzo ya buku va fanele va tiyiseka leswaku swiviko hinkwaswo leswi xiyekaka swa tin’hweti leti hundzeke swa tisiwa. Hi tiyimisele ku va ni nhlonhlorhi leyintshwa ya vahuweleri hi August.

15 min: “Famba Hi Ripfumelo.” Swivutiso ni tinhlamulo.

18 min: “Ku Twarisa Mahungu Lamanene Hi Langutelo Lerinene.” Vula marito yo pfula hi ku tirhisa ndzimana 1. Hlamusela leswaku ku nga fambisiwa buku leyi nge Hanya Hi Masiku kumbe buku leyi nge Vutomi Bya Ndyangu hi ku ya hi leti vandlha ri nga na tona. Kutani hlanganisa tindzimana 2-5 ntsena ta xihloko lexi. Endla nkombiso lowu lunghiseleriweke kahle lowu kombisaka ndlela yo fambisa buku leyi nge Hanya Hi Masiku, kutani u endla riendzo ro vuyela, ivi u sungula dyondzo hi buku leyi nge Vutivi.

Risimu 48 ni xikhongelo xo pfala.

Vhiki Leri Sungulaka Hi September 9

Risimu 18

12 min: Switiviso swa vandlha. Xiviko xa timali. Bula hi xihloko lexi nge “Chumayela Hi Mfumo.”

18 min: “Vana Xikombiso Lexinene Hi Ku Vulavula Ni Hi Mahanyelo.” Swivutiso ni tinhlamulo.

15 min: “Ku Twarisa Mahungu Lamanene Hi Langutelo Lerinene.” Hlamusela tindzimana 6-8 ntsena, kutani u endla nkombiso wa swingheniso swa ntirho wa le switolo wa riendzo ro sungula ni ro vuyela. (Vona swiringanyeto leswi engetelekeke eka Vutirheli Bya Hina Bya Mfumo bya September 1989, tluka 8.) Khutaza hinkwavo leswaku va endla maendzo yo vuyela hi ku hatlisa.

Risimu 123 ni xikhongelo xo pfala.

Vhiki Leri Sungulaka Hi September 16

Risimu 10

12 min: Switiviso swa vandlha. Hlamusela vuyelo lebyinene hi ku tirhisiwa ka vhidiyo leyi nge Jehovah’s Witnesses—The Organization Behind the Name leswaku ku kongomisiwa vanhu lava tsakelaka enhlengeletanweni. Hi ku komisa hlamusela ntokoto wun’we kumbe mimbirhi leyi nga eka Xihondzo xo Rindza xa October 1, 1992, matluka 30-1.

18 min: Hlamusela Xiviko Xa Vandlha Xa Lembe Ra Ntirho Ra 1996. Nkulumo leyi hisaka, leyi akaka hi mulanguteri wa ntirho. (Vona buku leyi nge Vutirheli Bya Hina, matluka 100-2.) Kombisa lomu vandlha ri endleke kahle kona, kutani u ri bumabumela. Kombisa ndlela leyi ntirho wa maphayona ya nkarhi hinkwawo ni ya nkarhinyana wu endleke swo tala ha yona leswaku wu pfuneta ku yisa ntirho wa kwala vandlheni emahlweni. Boxa nhlayo ya lava veke kona eminhlanganweni, u kandziyisa nkoka wa ku va kona eminhlanganweni nkarhi na nkarhi. Xaxameta tipakani letinene leti vandlha ri nga ringetaka ku ti fikelela elembeni leri tlhandlamaka. Nhlayo ya lava phayonaka nkarhinyana yi ye ehansi emalembeni ma nga ri mangani lama hundzeke. Xana van’wana lava engetelekeke va nga hlanganyela eka xiyenge lexi xa ntirho, ngopfu-ngopfu hi March na April? Xana muhuweleri un’wana ni un’wana a nga hlanganyela nkarhi na nkarhi evutirhelini vhiki na vhiki, ni ku vika ntirho wakwe eku heleni ka n’hweti yin’wana ni yin’wana? Xo hetelela, xana muhuweleri un’wana ni un’wana a nga tiyimisela ku fambisa dyondzo ya Bibele?

15 min: Mahanyelo Ya Vakreste eXikolweni. Tatana u vulavula ni n’wana wa yena wa xinuna kumbe wa xisati a kombisa mintlhamu leyikulu leyi nga exikolweni; u kandziyisa xilaveko xa ku xiyisisa vanghana va vona ni ku papalata mintirho leyi solekaka. U hlaya bokisi leri nga eka tluka 24 ra broxara leyi nge Dyondzo kutani a hlamusela xilaveko xo veka xikombiso lexinene loko u ri Mbhoni. Tatana u boxa miringo yin’wana leyi vaka kona leyi katsaka ku tirhisiwa ka swidzidzirisi, ku gangisana, ku ya eswinkhubyanini swa ku titsakisa kumbe ku hlanganyela emintlangwini; va burisana hi ndlela yo papalata swiphiqo leswi nga vaka kona. Nakambe hlamusela makhombo lama vaka kona eswinkhubyanini swo lelana ni va ka Ntangha khume ni ku cina. (Tirhisa Xalamuka! ya March 8, 1993, matluka 17-19.) Tatana u khutaza muntshwa leswaku a nga fanelanga a hlwela ku n’wi tivisa loko ku ri ni swiphiqo—u lava ku swi tiva ni ku n’wi pfuna.

Risimu 32 ni xikhongelo xo pfala.

Vhiki Leri Sungulaka Hi September 23

Risimu 21

10 min: Switiviso swa vandlha.

15 min: Swilaveko swa vandlha. Kumbe nkulumo leyi sekeriweke eka xihloko lexi nge “U Nga Languti Swilo Leswi U Swi Vonaka Hi Mahlo Ntsena!” eka Xihondzo xo Rindza xa February 15, 1996, matluka 27-9.

20 min: “Chumayela Mahungu Lamanene Kun’wana Ni Kun’wana.” Swivutiso ni tinhlamulo. Hlanganisa tindzimana 1-15 ntsena. Hlaya tindzimana 3 na 5. Katsa ni mintokoto ya lava humeleleke eku nyikeleni ka vumbhoni exitarateni kumbe eka swo famba swa mani na mani.

Risimu 215 ni xikhongelo xo pfala.

Vhiki Leri Sungulaka Hi September 30

Risimu 171

12 min: Switiviso swa vandlha. Bula hi Bokisi Ra Swivutiso. Tsundzuxa hinkwavo leswaku va yisa swiviko swa vona swa September swa ntirho wa nsimu ni swa tidyondzo ta Bibele.

20 min: “Chumayela Mahungu Lamanene Kun’wana Ni Kun’wana.” Swivutiso ni tinhlamulo. Hlanganisa tindzimana 16-35. Kombisa ndlela leyi swiringanyeto leswi swi nga tirhisiwaka ha yona kwala vandlheni. Endla nkombiso wa tindzimana 23-5. Hlaya tindzimana 34-5.

13 min: Hlamusela Tibuku Leti Nga Ta Fambisiwa Hi October. Hi ta fambisa timagazini ta Xihondzo xo Rindza na Xalamuka!, kun’we ni swikhokhelo swa timagazini ha timbirhi. Hlamusela tinhla to hambana-hambana, to tanihi leti: (1) Xikongomelo xa ku kandziyisiwa ka timagazini leti, hilaha xi hlamuseriweke hakona ematlukeni yo sungula. (2) Ti kandziyisiwa hi tindzimi to tala, ku endlela leswaku vutivi bya Bibele byi kumeka emisaveni hinkwayo. (3) Xihondzo xo Rindza xi endleriwe ku hlayiwa hi munhu hi xiyexe, hi ndyangu ni hi ntlawa. (4) Vanhu lava nga evukhongerini byo hambana-hambana va ti hlaya. (5) Ti endleriwe ngopfu-ngopfu vanhu lava tshamaka va khomekile. (6) Xihondzo xo Rindza xi sungule ku humesiwa hi 1879; Xalamuka! yi sungule hi 1919. (7) Hina hi hexe hi ta yisa minkandziyiso leya ha ku humesiwaka eka un’wana ni un’wana la rhandzaka ku yi hlaya kambe a tsandzekaka ku endla xikhokhelo. Gimeta hi ku vula tinhlamuselo leti humaka eka muhlayi la tlangelaka.—Vona Xihondzo xo Rindza xa April 15, 1986, tluka 32.

Risimu 3 ni xikhongelo xo pfala.