Xana Ndzi Ta Vula Yini?

Loko hi hlangana ni vanhu lava angulaka kahle loko hi ri evutirhelini, hi navela ku tlhelela eka vona hi ya va nyika vumbhoni lebyi engetelekeke. Hambiswiritano, hi nga ha va hi nga tiyiseki hi leswi hi nga swi vulaka leswaku hi sungula bulo rin’wana. U nga ha ringeta xingheniso lexi: Vutisa xivutiso lexi tsakisaka, ivi u pfula buku leyi nge Ku Hlamulana leswaku u kombisa nhlamulo ya Matsalwa. Swi nga ku pfuna leswaku u va ni nxaxamelo wa swivutiso leswi eka swona u nga ta hlawula xin’we lexi u vonaka leswaku xi ta endla ku va ni n’wangulo lowunene eriendzweni ro karhi. Nxaxamelo lowu nga laha hansi, lowu tekiweke ebukwini leyi nge Ku Hlamulana, wu kombisa nomboro ya tluka laha nhlamulo yin’wana ni yin’wana yi nga kumiwaka kona:

◼ Ha yini hi dyuhala hi tlhela hi fa? (223)

◼ Xana ku ni swivangelo leswi twalaka swo pfumela eka Xikwembu? (409)

◼ Xana Xikwembu xi ni mhaka hakunene ni leswi humelelaka hina vanhu? (410)

◼ Xana munhu u fanele a ya etilweni leswaku a va ni vumundzuku lebyi tsakisaka hakunene? (278)

◼ Ha yini swi ri swa nkoka ku tiva ni ku tirhisa vito ra Xikwembu hi xoxe? (425)

◼ Xana Mfumo wa Xikwembu wu ta endla yini? (139)

◼ Xana hi xihi xikongomelo xa vutomi bya munhu? (389)

◼ Ha yini ku ri ni vukhongeri byo tala swonghasi? (343)

◼ Xana munhu a nga swi tivisa ku yini leswaku vukhongeri byo karhi i bya ntiyiso? (350)

◼ Sathana i munhu wa matimba ku fikela kwihi emisaveni ya namuntlha? (240)

◼ Hikwalaho ka yini Xikwembu xi pfumelela vubihi? (104)

◼ Ha yini ku ri na vubihi byo tarisa xileswi? (323)

U nga ha nghenisa nxaxamelo wa swivutiso swo tano eBibeleni kumbe ebukwini ya wena leyi nge Ku Hlamulana leswaku u ta hatlisa u swi kuma loko u swi lava. Ku va ni swilo swo karhi leswi u nga swi vulaka eka maendzo ya wena yo vuyela swi ta ku khutaza leswaku u tshembeka eku landzeleleni vanhu hinkwavo lava tsakelaka lava u va kumaka.