Xana U Ni Oda Leyi U Tiendleleke Yona?
1 Xana u tshama u ya enhlanganweni wa vutirheli bya nsimu ivi u kuma leswaku a wu na tona timagazini enkwameni wa wena wa tibuku? Tsundzuka xiengetelo xa Vutirheli Bya Hina Bya Mfumo bya September 1995 lexi a xi ri ni xihloko lexi nge: “Tirhisa Timagazini Ta Hina Hi Ndlela Leyinene.” Xi hlamusele leswaku hi fanele hi va “ni odara yo karhi ya timagazini,” xi tlhele xi ku: “Endla odara yo karhi leyi ringaneke eka makwerhu la tamelaka timagazini ya nhlayo ya tikopi leti ringaneke eka nkandziyiso wun’wana ni wun’wana. Hi ndlela leyi, wena ni ndyangu wa wena mi ta va ni mphakelo lowu eneleke wa timagazini.” Xana u swi endlile leswi?
2 Swi nga va njhani loko wo tiendlela oda ya nkarhi hinkwawo ya timagazini? U ta titwa u ri ni vutihlamuleri lebyi engetelekeke bya ku fambisa timagazini vhiki na vhiki naswona u ta kuma ntsako lowu engetelekeke hi ku endla tano. Loko se u ri na yona oda ya nkarhi hinkwawo, tivutise loko mpimo lowu u wu kumaka u ta swi kota ku wu fambisa n’hweti hinkwayo evutirhelini. Ina, hi lava ku tshembeka eku tekeni ka tioda ta hina vhiki na vhiki naswona ku fanele ku va vutihlamuleri bya hina ku endla tano. Loko u tiva leswaku u ta heta nkarhi wo leha u nga ri kona evandlheni, tivisa nandza wa timagazini loko u lava leswaku timagazini ta wena a ti nyika un’wana ku fikela loko u vuya.
3 Xiengetelo lexi tshahiweke laha henhla xi tlhele xi vula leswaku hi fanele hi “endla xiyimiso xa siku ra timagazini nkarhi na nkarhi.” Xana u nga swi kota ku seketela Siku ra Timagazini eka vhiki rin’wana ni rin’wana? Hilaha swi kombisiweke hakona eka 1999 Calendar of Jehovah’s Witnesses, siku leri i Muqgivela un’wana ni un’wana wa lembe! U nga wu tekeli hansi nkoka wa ku hangalasa Xihondzo xo Rindza ni Xalamuka! Loko hi endla matshalatshala leswaku hi hlanganyela hi xitalo eka ntirho wa timagazini, hi ‘yisa timhaka leti tsakisaka’ eka vaakelani va hina.—Esa. 52:7.