Minhlangano Ya Ntirho Ya November

Vhiki Leri Sungulaka Hi November 1

Risimu 156

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela xihloko lexi nge “Vona Matimba Ya Bibele!” Tsundzuxa hinkwavo lava nga tisangiki swiviko swa vona swa ntirho wa nsimu leswaku va endla tano namuntlha, ku nga si rhumeriwa xiviko xa vandlha eka Sosayiti.

15 min: “Ha Tiviwa Hi Ku Chumayela Ka Hina.” Xingheniso xa wena a xi ve ehansi ka minete ivi ku landzela bulo ra swivutiso ni tinhlamulo. Hi ku tirhisa buku leyi nge Vutivi, tluka 173, ndzimana 8, hlamusela hi ku komisa leswi hi nga swi vulaka leswaku hi khutaza xichudeni xa Bibele leswaku xi hlanganyela evutirhelini bya nsimu.

20 min: “I Vamani Lava Nga Tsakelaka Dyondzo Ya Bibele?” Nkulumo ni minkombiso. Hi ku pfumelelana ni leswi ndzimana 4 yi swi vulaka, ringanyeta tindlela to hambana-hambana ta ku pfuxa ku tsakela ku dyondza leswi nga etibukwini ta hina. Endla minkombiso yimbirhi yo koma leyi kombisaka ndlela leyi leswi swi nga endliwaka ha yona. Kombela vayingiseri va ku byela ndlela leyi va humeleleke ha yona eku sunguleni ka tidyondzo.

Risimu 198 ni xikhongelo xo pfala.

Vhiki Leri Sungulaka Hi November 8

Risimu 204

10 min: Switiviso swa vandlha. Xiviko xa timali. Tsundzuxa vamakwerhu leswaku va lunghiselela bulo ra vhiki leri taka leri nga ta va ri sekeriwe eka tindzimana ta 18 to sungula ta xiengetelo xa November.

15 min: Bokisi Ra Swivutiso. Nkulumo. Hlamusela malunghiselelo ya ku hlayisa Holo ya Mfumo yi basile naswona yi ri exiyin’weni lexinene.

20 min: “U Nga Ku Yini Eka Mumoslem?” Swivutiso ni tinhlamulo. Kandziyisa nkoka wa ku tirhisa vutlharhi loko hi vulavula ni vanhu va mindhavuko yin’wana. Vana ni nkombiso lowu lunghiseleriweke kahle. Leswaku u kuma rungula leri engetelekeke mayelana ni Vuislam, vona xiengetelo xa Vutirheli Bya Hina Bya Mfumo bya February 1998; buku leyi nge Ku Hlamulana, matluka 23-4; ni leyi nge Ku Lavisisa Ka Vanhu Xikwembu, ndzima 12.

Risimu 208 ni xikhongelo xo pfala.

Vhiki Leri Sungulaka Hi November 15

Risimu 211

8 min: Switiviso swa vandlha.

25 min: “Ku Tirhisa Internet—Tivonele Eka Makhombo Ya Yona!” Bulo ra swivutiso ni tinhlamulo leri sekeriweke eka tindzimana 1-18. Hlaya tindzimana 4-7, 12, 16, 17. Khutaza hinkwavo leswaku va lunghiselela kahle bulo ra vhiki leri taka leri sekeriweke eka tindzimana 19-36.

12 min: Vatswari—Xana Mi Fambisa Dyondzo Ya Ndyangu Nkarhi Ni Nkarhi? Nkulumo kun’we ni ku burisana ni vayingiseri. Hlamusela nkoka wa ku va mindyangu yi fanele yi dyondza kun’we. (Vona Buku Yo Letela Ya Xikolo, matluka 37-8.) Hlamusela tindlela ta ku hlula swiphiqo leswi landzelaka leswi sivelaka dyondzo ya ndyangu: (1) ku anakanya leswaku vana va ha ri vatsongo lerova va nge vuyeriwi, (2) ku anakanya leswaku ku va kona eminhlanganweni ya vandlha swi ringene, (3) ku karhala hikwalaho ka ku tshama u khomekile ni ku (4) kavanyetiwa hi ku hlalela thelevhixini. (Vona Xihondzo xo Rindza xa May 15, 1994, matluka 11-12.) Kombela tinhloko ta mindyangu leswaku ti hlamusela ndlela leyi ti swi hlulaka ha yona swirhalanganya leswi kavanyetaka nongonoko wa dyondzo ya ndyangu. Kandziyisa leswaku leswi swi lava matshalatshala, ku tiyimisela ni ntirhisano.

Risimu 217 ni xikhongelo xo pfala.

Vhiki Leri Sungulaka Hi November 22

Risimu 158

10 min: Switiviso swa vandlha. Hlamusela xiviko xa ntirho lowu endliweke ensin’wini leyi nga aviwangiki ni mintokoto leyi tsakisa.

10 min: Xana U Swi Languta Njhani Swiavelo? Nkulumo leyi nga ta nyikeriwa hi nkulu. Ku ni swilo swo tala leswi faneleke swi endliwa leswaku vandlha ri ya emahlweni: ku lunghiselela xiyimiso xa tinkulumo; ku yisa van’wana eminhlanganweni hi movha kumbe ku famba na vona entirhweni wa nsimu; ku pfuna lava dyuhaleke; ni ku basisa, ku lunghisa ni ku khathalela Holo ya Mfumo, ku katsa ni ku tsema byanyi. Xana u angula njhani loko u komberiwa ku pfuneta? Van’wana va nga ala, van’wana a va pfumeli hi timbilu ta vona hinkwato, kumbe va tsandzeka ku heta ntirho lowu va averiweke wona. Hlamusela nkoka wa ku amukela ni ku hetisisa swiavelo swa hina tanihi lunghelo ra risima. Khutaza hinkwavo evandlheni leswaku va kombisa moya wa ku tirha hi ku tirhandzela.—Ps. 110:3, nhlamuselo ya le hansi ya NW; Esa. 6:8.

25 min: : “Ku Tirhisa Internet—Tivonele Eka Makhombo Ya Yona!” Bulo ra swivutiso ni tinhlamulo leri sekeriweke eka tindzimana 19-36. Hlaya tindzimana 23-5 ni tindzimana 34-6.

Risimu 223 ni xikhongelo xo pfala.

Vhiki Leri Sungulaka Hi November 29

Risimu 215

10 min: Switiviso swa vandlha. Tsundzuxa vahuweleri leswaku va tisa swiviko swa ntirho wa nsimu wa November.

15 min: Khutaza Lavantshwa Leswaku Va Va Kona eMinhlanganweni. Bulo leri fambisiwaka hi nkulu ni nandza un’we kumbe malandza mambirhi ya vutirheli, leri sekeriweke eka broxara leyi nge Ti Endla Ku Rhandza Ka Xikwembu, matluka 14-15. Hlamusela nkoka wa ku va lavantshwa va va kona eminhlanganweni. Eminhlanganweni va ta kuma ndzetelo lowu engetelekeke, xikhutazo ni mpfuno. Pfuxeta minhlangano ya ntlhanu ya vhiki na vhiki, hlamusela nkoka wa nhlangano ha wun’we. Hlamusela ndlela leyi minhlangano yi khutazaka ha yona ku landzela mahanyelo ya vukwembu, ku aka vumoya bya hina, yi hi nghenisa enhlengeletanweni, yi hi pfuna ku aka vuxaka ni van’wana ni ndlela leyi yi hi pfunaka ha yona ku twisisa xikongomelo xa vutirheli bya hina. Khutaza vayingiseri leswaku va tirhisa broxara leyi leswaku va khutaza lavantshwa ku va kona eminhlanganweni.

20 min: Hi Rhandza—Vuhundzuluxeri Bya Misava Leyintshwa. Nkulumo ni minkombiso. Exikarhi ka tinhlengeletano hinkwato ta vukhongeri, ya hina yi hlawulekile hikuva hi kandziyisa vuhundzuluxeri bya Bibele lebyi hleriweke hi vagandzeri va Yehovha lava totiweke, ha byi tirhisa hi tlhela hi byi hangalasa. A hi lavi ku bindzula kumbe ku hangalasa tidyondzo ta mimpambukwa. Ematshan’weni ya sweswo, hi susumetiwa hi ku lava ku fundzha vito ra Xikwembu ni ku pfuna van’wana leswaku va xi tiva ku antswa. Hakanyingi vuhundzuluxeri byin’wana byi endla Rito ra Xikwembu ri nga twisiseki, hikwalaho hlamusela mimpfuno ya risima ya Vuhundzuluxeri Bya Misava Leyintshwa. (Vona buku leyi nge, “Matsalwa” matluka 327-31. Xiya tinhlamuselo leti nga eka ndzimana 3, nyikela swikombiso leswi nga eka ndzimana 6 swa vuhundzuluxeri lebyi antswisiweke, naswona kandziyisa mimpfuno leyi hlamuseriweke eka tindzimana 22-3.) Vana ni minkombiso mimbirhi yo koma leyi kombisaka ndlela leyi hi nga angulaka ha yona loko van’wana va ku, “Mi ni Bibele ya n’wina.”—Vona buku leyi nge Ku Hlamulana, matluka 178-9.

Risimu 205 ni xikhongelo xo pfala.