Mpfuxeto Wa Xikolo Xa Vutirheli Bya Le Tilweni

Tibuku a ti nge pfuriwi loko ku endliwa mpfuxeto wa mhaka leyi hlanganisiweke eka swiavelo swa Xikolo xa Vutirheli bya le Tilweni swa mavhiki ya ku sukela hi January 7 ku ya eka April 22, 2002. Tirhisa phepha rin’wana leswaku u ta tsala tinhlamulo to tala hilaha u nga kotaka hakona hi nkarhi lowu u nyikiweke wona.

[Tsundzuka: Hi nkarhi wa mpfuxeto wo tsala, i Bibele ntsena leyi nga tirhisiwaka ku hlamula xivutiso xihi na xihi. Swikombo leswi landzelaka swivutiso i swa ku pfuna wena leswaku u tiendlela ndzavisiso. Tinomboro ta matluka ni tindzimana swi nga ha endleka ti nga humeleli eka swikombo hinkwaswo swa Xihondzo xo Rindza.]

Hlamula yin’wana ni yin’wana ya tinhlamuselo leti landzelaka u ku I Ntiyiso kumbe I Mavunwa:

1. Yinhla leyi boxiwaka hi Solomoni eka Eklesiasta 2:2, hi leswaku ku hleka ni ku tsaka swi fanele swi papalatiwa. [Ku hlaya ka Bibele ka vhiki ni vhiki; vona w87-TS 9/15 tl. 24 ndz. 5.]

2. Ematshan’weni yo va Eklesiasta yi va buku leyi hundzeletaka swilo, yi tele hi mintiyiso ya risima leyi nga ni vutlhari bya Xikwembu naswona yi kombisa leswaku mintirho leyi nga ni khombo yi kombisa ku tekela Xikwembu ehansi. [si-TS tl. 114 ndz. 15]

3. Eka Esaya 1:7, muprofeta u vulavula hi ku lovisiwa ka tiko ra Yuda hi nkarhi wa ku fuma ka Akazi. [Ku hlaya ka Bibele ka vhiki ni vhiki; vona ip-1-TS tl. 17 ndz. 16.]

4. Loko Nhlavutelo 7:9 yi vulavula hi ‘ku yima emahlweni ka xiluvelo ni le mahlweni ka Xinyimpfana,’ yi vula xivandla xa le tilweni. [rs-TS tl. 282 ndz. 5]

5. Ku “xixima Yehovha” hi ku n’wi nyika swilo swa hina hi xandla lexi pfulekeke—ku nga nkarhi wa hina, vuswikoti bya hina, matimba ya hina ni swilo swa hina leswi vonakaka—swi hi tisela mikateko leyi fuweke ya moya, leyi humaka eka Yehovha. (Swiv. 3:9, 10) [w00-TS 1/15 tl. 25 ndz. 1]

6. ‘Xiendlo lexi nga tolovelekangiki ni ntirho lowu nga tolovelekangiki’ swa manguva lawa, leswi profetiweke eka Esaya 28:21, swi kombetela eku lovisiweni ka matiko hi Armagedoni. [Ku hlaya ka Bibele ka vhiki ni vhiki; vona ip-1-TS tl. 295 ndz. 16; tl. 301 ndz. 28.]

7. Hilaha Matewu 24:38, 39 yi kombisaka hakona, ku dya ni ku nwa swin’we ni mintirho yin’wana ya vanhu, swi endle leswaku vanhu va le nkarhini wa Nowa va lovisiwa hi Ndhambhi. [w00-TS 2/15 tl. 6 ndz. 6]

8. Yehovha u swi yingisa minkarhi hinkwayo swikombelo swa malandza ya yena lama titsongahateke, lama n’wi tirhelaka hi mbilu hinkwayo. [w00-TS 3/1 tl. 4 ndz. 3]

9. “Matiko” lawa ku vulavuriwaka ha wona eka Esaya 60:3 i matiko yo karhi ya tipolitiki lama kokiweke hi ku vonakala loku humaka eka Xikwembu. [Ku hlaya ka Bibele ka vhiki ni vhiki; vona w00-TS 1/1 tl. 12 ndz. 4.]

10. Yehovha u ‘hlawulekise’ Yeremiya a nga si velekiwa hi ku kunguhata vumundzuku bya yena hinkwabyo. (Yer. 1:5) [Ku hlaya ka Bibele ka vhiki ni vhiki; vona w88-TS 4/1 tl. 10 ndz. 2.]

Hlamula swivutiso leswi landzelaka:

11. Marito lama nge ‘ku cukumeta xinkwa’ eka Eklesiasta 11:1 ma vula yini? [Ku hlaya ka Bibele ka vhiki ni vhiki; vona w87-TS 9/15 tl. 25 ndz. 11.]

12. Eka Esaya 6:8, Yehovha u katsa na mani loko a ku “hi”? [Ku hlaya ka Bibele ka vhiki ni vhiki; vona ip-1-TS matl. 94-5 ndz. 13.]

13. Eku hetisekeni ka Esaya 9:2, xana “ku vonakala lokukulu” ku voninge hi ndlela yihi eGaleliya? [Ku hlaya ka Bibele ka vhiki ni vhiki; vona ip-1-TS tl. 126 ndz. 17.]

14. Ku wa ka Babilona hi 539 B.C.E. ni ku loviseriwa makumu ka yena eku heteleleni, swi nga fanisiwa na yini enkarhini wa hina? (Esa. 13:19, 20; 14:22, 23) [Ku hlaya ka Bibele ka vhiki ni vhiki; vona ip-1-TS tl. 188 tindz. 30-1.]

15. Xana “hlonga ro tshembeka ni ro tlhariha” ri ve “murindzi” hi ndlela yihi hilaha swi hlamuseriweke hakona eka Esaya 21:6? (Mat. 24:45) [Ku hlaya ka Bibele ka vhiki ni vhiki; vona ip-1-TS matl. 221-2 ndz. 11.]

16. Hi yihi ndzayo ya vutlhari leyi jaha leri lavaka munghana wa vukati ri nga yi kumaka eka Swivuriso 31:10? [w00-TS 2/1 tl. 31 ndz. 1]

17. Eka Esaya 43:9, hi wihi ntlhontlho lowu tisiwaka eka swikwembu swa matiko? [Ku hlaya ka Bibele ka vhiki ni vhiki; vona w88-TS 2/1 tl. 16 ndz. 3.]

18. Xana milenge ya lava chumayelaka mahungu lamanene ya Mfumo wa Xikwembu yi “languteka” hi matwisiselo wahi? (Esa. 52:7) [Ku hlaya ka Bibele ka vhiki ni vhiki; vona w97-TS 4/15 tl. 27 ndz. 6.]

19. I yini lexi hi faneleke ku xi endla leswaku timbilu ta hina ti nga hi kanganyisi? (Yer. 17:9) [w00-TS 3/1 tl. 30 ndz. 4]

20. I yini lexi lava ‘fambaka endleleni ya Yehovha’ va faneleke ku xi endla? (Yer. 7:23) [Ku hlaya ka Bibele ka vhiki ni vhiki; vona w99-TS 8/15 tl. 29 ndz. 6.]

Tsala (ma-)rito kumbe xiga lexi lavekaka ku hetisa yin’wana ni yin’wana ya tinhlamuselo leti landzelaka:

21. “Mbilu ya lowo tlhariha yi le vokweni rakwe ra xinene” hi matwisiselo ya leswaku hakanyingi “voko ra xinene” ri kombisa ․․․․․․ ; hikwalaho, sweswo swi kombisa leswaku ․․․․․․ yakwe yi n’wi susumetela ku phikelela endleleni leyinene, leyi amukelekaka. (Ekl. 10:2; Mat. 25:33) [Ku hlaya ka Bibele ka vhiki ni vhiki; vona w87-TS 9/15 tl. 25 ndz. 8.]

22. Yin’wana ya tidyondzo letinene leti kumekaka eka Risimu Ra Solomoni i ku ․․․․․․ milawu ya Xikwembu. [si-TS tl. 117 ndz. 16]

23. Muphangi wa miti ya Yuda, la hlamuseriweke eka Esaya 33:1, i ․․․․․․ , loyi eku heteleleni a hluriweke hi 632 B.C.E., a siyela vaaki va ․․․․․․ swilo swo tala leswi a swi phangeke, naswona va swi ‘hlengelete ku fana ni mahele loko ma hlengeletana.’ (Esa. 33:4) [Ku hlaya ka Bibele ka vhiki ni vhiki; vona ip-1-TS tl. 343 ndz. 4; tl. 345 ndz. 6.]

24. Loko Esaya 54:1 yi pimanisiwa na Vagalatiya 4:26, 27, yi paluxa leswaku “wansati wa mhika” u fanekisela “․․․․․․”; kasi “wansati la nga ni nuna loyi a nga n’wini wa yena” u fanekisela ․․․․․․ . [Ku hlaya ka Bibele ka vhiki ni vhiki; vona w95-TS 8/1 tl. 11 ndz. 8.]

25. Loko hi hlekuriwa ni ku nga amukeriwi loko hi ri eku chumayeleni, hi fanele ku tsundzuka leswaku nkaneto wolowo a wu kongomisiwanga ․․․․․․ , kambe wu kongomisiwe eka ․․․․․․ , ku nga yena Xihlovo xa rungula ra hina. (2 Kor. 4:1, 7) [w00-TS 1/15 tl. 21 ndz. 2]

Hlawula nhlamulo leyi faneleke eka yin’wana ni yin’wana ya tinhlamuselo leti landzelaka:

26. Loko Pawulo a tsala hi xivono xa ku kwetsima ka Yesu ematilweni, u tivula “la velekiweke ku nga si fika nkarhi wa kona,” leswi vulaka leswaku (a ha ku tswariwa hi moya; u hatle a hlawuriwa ku va muapostola wa matiko; a swi fana ni loko a kume lunghelo ra ku tswariwa kumbe ku pfuxeriwa evuton’wini bya moya, nkarhi wu nga si fika). (1 Kor. 9:1; 15:8) [w00-TS 1/15 tl. 29 ndz. 6]

27. Xithopo lexi nge “Tatana La Nga Riki Na Makumu” xi vula matimba ya Hosi ya Vumesiya ni vulawuri bya ku nyika vanhu (matimba ya moya; vutomi bya ku hanya etilweni va nga fi; ntshembo wa vutomi lebyi nga heriki emisaveni). (Esa. 9:6; Yoh. 11:25, 26) [Ku hlaya ka Bibele ka vhiki ni vhiki; vona ip-1-TS tl. 131 ndz. 26.]

28. Eku hetisekeni ka Esaya 66:7, enkarhini wa hina, “n’wana wa xinuna” la velekiweke, u fanekisela (Yesu Kreste; Mfumo wa Vumesiya; tiko ra moya leri simekiweke hi 1919). [Ku hlaya ka Bibele ka vhiki ni vhiki; vona w95-TS 1/1 tl. 11 ndz. 3.]

29. Ku hlaya Matewu 10:28 hi vukheta, ku hi pfuna hi twisisa leswaku Gehena leyi pfurhaka ndzilo (i ku xanisiwa munhu a ri karhi a swi twa; yi fanekisela ku loviseriwa makumu; swi vula ku hambanisiwa ni Xikwembu). [rs-TS tl. 267 ndz. 2]

30. Eku hetisekeni ka manguva lawa, “tiko leri vanhu va rona va nga yingisangiki rito ra Yehovha,” leri ku vulavuriwaka ha rona eka Yeremiya 7:28, i (Babilona Lonkulu; Vujagana; mfumo wa misava wa vunkombo). [Ku hlaya ka Bibele ka vhiki ni vhiki; vona w88-TS 4/1 tl. 18 ndz. 10.]

Twananisa matsalwa lama landzelaka ni swiga leswi xaxametiweke laha hansi:

Swiv. 24:16; Ekl. 3:11; Esa. 40:8; Rhom. 10:15; 1 Pet. 4:6

31. Ndhawu leyi faneleke leyi Xikwembu xi nga ta hetisisa xikongomelo xa ntirho wun’wana ni wun’wana wa xona, yi ta hlavuteriwa hi nkarhi wa yona lowu faneleke. [Ku hlaya ka Bibele ka vhiki ni vhiki; vona w87-TS 9/15 tl. 24 ndz. 8.]

32. Ku chumayeriwa ka mahungu lamanene eka lava feke emoyeni ku va nyika lunghelo ra leswaku va hundzuka. [rs-TS tl. 278 ndz. 5]

33. Hambileswi swilo leswi hetanaka matimba swi nga papalatekiki evuton’wini, munhu la rhandzaka Xikwembu a nga karhali ku endla leswinene. [w00-TS 2/1 tl. 5 ndz. 1]

34. Rito ra Xikwembu kumbe xikongomelo xa xona lexi vuriweke, xi nge tsandzeki kumbe xi siveriwa leswaku xi hetiseka. [Ku hlaya ka Bibele ka vhiki ni vhiki; vona ip-1-TS tl. 401 ndz. 10.]

35. Vaapostola va Yesu va byi tirhise hi ndlela leyinene vuprofeta bya Esaya, va endla leswaku byi tirha evutirhelini bya vona. [si-TS tl. 123 ndz. 37]