Xiyimiso Xa Nhlangano Wa Ntirho
Vhiki Leri Sungulaka Hi January 14
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa January 1 ni Xalamuka! ya January.
15 min: “Wu Tirhise Kahle Nkarhi Wa Wena Wo Chumayela.”a Vulavurisana ni makwerhu la nga xikombiso lexinene emhakeni yo huma nsimu ni ntlawa wa dyondzo ya buku. I yini leswi a swi endlaka leswaku a lunghekela ku famba ni ntlawa ensin’wini nileswaku a wu tirhisa hi xitalo nkarhi wa nsimu?
20 min: ‘Marito Ya N’wina A Ma Ve Lama Lungiweke Hi Munyu Nkarhi Hinkwawo.’b Loko mi bula hi ndzimana 2, hlayani Yohane 4:7-15, 39.
Vhiki Leri Sungulaka Hi January 21
10 min: Switiviso swa vandlha. Marungula Ya Swa Mfumo. Vula nkandziyiso lowu nga ta fambisiwa hi February kutani u endla nkombiso wo fambisa nkandziyiso wolowo. Khutaza hinkwavo leswaku va hlalela DVD leyi nge Transfusion-Alternative Health Care—Meeting Patient Needs and Rights, leswaku va lunghekela bulo leri nga ta va kona eka Nhlangano Wa Ntirho hi vhiki leri sungulaka hi February 4.
10 min: Xana wa xi tirhisa xibukwana lexi nge Ku Kambisisa Matsalwa Siku Ni Siku? Nkulumo leyi katsaka ku bula ni vayingiseri, leyi sekeriweke eka marito yo rhanga ya xibukwana lexi nge Ku Kambisisa Matsalwa Siku Ni Siku—2008. Hlamusela xilaveko xo va hinkwerhu hi tinyika timinete ti nga ri tingani siku rin’wana ni rin’wana, leswaku hi kambisisa Tsalwa ni tinhlamuselo ta siku rero. Kombela vayingiseri va hlamusela xiyimiso xa vona xo kambisisa ndzimana ya siku ni ndlela leyi sweswo swi va pfunaka ha yona. Nhlamuselo yin’we kumbe timbirhi ti nga ha hleriwa ka ha ri emahlweni. Hlamusela ndzimana ya lembe ra 2008 hi ku komisa.
25 min: “Nyikela Vumbhoni Bya Rixaladza Hi Mahungu Lamanene.”c (Tindz. 1-10) Yi fanele yi nyikeriwa hi mulanguteri wa ntirho. Vulavurisana ni muhuweleri un’we kumbe vambirhi lava veke maphayona ya nkarhinyana n’wexemu hambileswi a va khomekile kumbe va vabya. Xana va swi kotise ku yini? Xana va tiphine hi yini? Loko mi bula hi ndzimana 7, hlamusela malunghiselelo ya nhlangano wa ntirho wa nsimu hi March, April na May.
Vhiki Leri Sungulaka Hi January 28
10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu swa January. Hlaya xiviko xa timali ni marito yo nkhensa minyikelo. Bulo ni vayingiseri leri sekeriweke eka Xihondzo xo Rindza xa February 1 ni Xalamuka! ya February. Endzhaku ko hlamusela magazini ha wun’we hi ku komisa, vutisa vayingiseri leswaku hi swihi swihloko leswi va vonaka leswaku vanhu va ta swi tsakela ensin’wini naswona ha yini. Rhamba vayingiseri va boxa swingheniso leswi va vonaka leswaku va nga swi tirhisa, va tirhisa swihloko leswi swi va tsakisaka. Hi swihi swivutiso leswi va nga ta swi tirhisa ku sungula bulo? Hi rihi tsalwa leri nga exihlokweni leri va nga ta ri hlaya? Xana tsalwa rero va ta ri twananisa njhani ni xihloko xexo? Endla nkombiso wo fambisa magazini ha wun’we, u tirhisa swingheniso leswi kumekaka eka tluka 8.
20 min: “Nyikela Vumbhoni Bya Rixaladza Hi Mahungu Lamanene.”d (Tindz. 11-17) Loko mi bula hi ndzimana 14, nyika hinkwavo lava nga kona xirhambo xa Xitsundzuxo loko xi ri kona, u tlhela u hlamusela leswi vandlha ri swi hleleke leswaku ku hlanganisiwa nsimu hinkwayo.
15 min: “Pfuna Swichudeni Swa Bibele Leswaku Swi Va Vahuweleri Va Mahungu Lamanene Ya Mfumo.”e Loko nkarhi wu pfumela, kombela vayingiseri leswaku va hlamusela matsalwa lama kombisiweke.
Vhiki Leri Sungulaka Hi February 4
10 min: Switiviso swa vandlha. Hlamusela Bokisi Ra Swivutiso.
10 min: Swilaveko swa vandlha.
25 min: “Xana Se U Ri Tatile Khadi Ra Wena Ra DPA?” Yi fanele yi nyikeriwa hi nkulu. Namba u nghena emhakeni hi ku bula ni vayingiseri hi swivutiso leswi nga eka xihloko lexi, leswi fambisanaka ni DVD leyi nge Patient Needs and Rights. Loko u gimeta, hlaya ndzimana yo hetelela u tlhela u khutaza hinkwavo leswaku va ya swi hlaya hi vukheta swihloko leswi sekeriweke eka Xihondzo xo Rindza ni le ka Vutirheli Bya Hina Bya Mfumo, leswi kombisiweke eka ndzimana leyi. Hlamusela ndlela leyi lava nga si tataka khadi ra vona va nga swi tirhisaka ha yona swiringanyeto leswi pfunaka, leswi kumekaka eka maphepha ya mpfampfarhuto lama kumekaka eka xiengetelo xa Vutirheli Bya Hina Bya Mfumo bya January 2007, leswaku va tiendlela swiboho swa vona vini hi swiphemu leswitsongo swa ngati ni matshungulelo lawa va nga ta pfumela ku tshunguriwa ha wona, loko se va hetile ku tata maphepha ya mpfampfarhuto, va fanele va tata khadi ra vona ra DPA hi ku pfumelelana ni swiboho leswi va swi endleke. Lava se va ri tateke khadi ra vona ra DPA, va nga ha lava ku kambisisa swiboho leswi va swi endleke kutani loko va vona leswaku va lava ku cinca swo karhi, va nga ha tata khadi lerintshwa.
[Tinhlamuselo ta le hansi]
a Xingheniso xa wena xi nga heti minete ivi ku landzela bulo ra swivutiso ni tinhlamulo.
b Xingheniso xa wena xi nga heti minete ivi ku landzela bulo ra swivutiso ni tinhlamulo.
c Xingheniso xa wena xi nga heti minete ivi ku landzela bulo ra swivutiso ni tinhlamulo.
d Xingheniso xa wena xi nga heti minete ivi ku landzela bulo ra swivutiso ni tinhlamulo.
e Xingheniso xa wena xi nga heti minete ivi ku landzela bulo ra swivutiso ni tinhlamulo.