Leswi Hi Nga Swi Vulaka Loko Hi Fambisa Timagazini

Xihondzo xo Rindza November 1

“Xana u anakanya leswaku tintsumi ti na mhaka ni leswi hi swi endlaka? [Yimela nhlamulo.] Xiya leswi Bibele yi swi vulaka malunghana ni mhaka leyi. [Hlaya Luka 15:10.] Magazini lowu wu hlamusela leswi Yesu a swi vuleke malunghana ni ndlela leyi swivumbiwa swa moya swi hi khumbaka ha yona.” N’wi kombe nhloko-mhaka leyi nga eka tluka 16.

Xalamuka! November

Hlaya 2 Timotiya 3:16. Endzhaku u ku: “Xana u pfumelelana na wona marito lawa naswona u vona swi fanerile leswaku hi tshemba xin’wana ni xin’wana lexi Bibele yi xi vulaka? [Yimela nhlamulo.] Magazini lowu wu hlamusela loko vuyimburi ni matimu swi pfumelelana ni leswi Bibele yi swi vulaka malunghana na Egipta wa khale.” N’wi kombe nhloko-mhaka leyi nga eka tluka 15.

Xihondzo xo Rindza December 1

“Vanhu vo tala va tshemba leswaku ku ni swivumbiwa swo tlhariha leswi tshamaka exivandleni xa mimoya leswi hi kucetela eka leswi hi swi endlaka evuton’wini bya hina. Wena u ri yini? [Yimela nhlamulo. Endzhaku hlaya Nhlavutelo 12:7-9.] Magazini lowu wu hlamusela leswi Bibele yi swi vulaka malunghana ni swivumbiwa leswi hanyaka exivandleni xa moya, ndlela leyi swi hi khumbaka ha yona ni loko swi koteka leswaku hi vulavurisana na swona.”

Xalamuka! December

“Xana u tshame u ti vutisa leswaku ha yini vanhu va tlangela Khisimusi hi December 25 kasi Bibele a yi hi byeli leswaku Yesu u velekiwe rini? [Yimela nhlamulo.] Hi ku ya hi ndzimana leyi, Yesu a nga velekiwanga hi xixika. [Hlaya Luka 2:8.] Magazini lowu wu hlamusela masungulo ya mikhuva yin’wana leyi tolovelekeke ya Khisimusi.”