Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa June

“Hinkwerhu ka hina hi ni maxaka kumbe vanghana lava feke. Xana u na wona ntshembo wo tlhela u va vona? [Yimela nhlamulo.] Twana marito lawa lama chavelelaka.” Kutani hlaya na yena rungula leri nga ehansi ka xihlokwana xo sungula lexi nga eka tluka 16 eka nkandziyiso wa Xihondzo xo Rindza xa June 1 swin’we ni rin’wana ra Matsalwa lama tshahiweke. N’wi nyike timagazini kutani u endla malunghiselelo yo tlhela u vuya leswaku u ta hlamula xivutiso lexi u n’wi vutiseke xona.

Xihondzo xo Rindza June 1

“Vo tala va hina hi wa hi pfuka leswaku hi kuma swo tihanyisa, kambe vanhu van’wana a va na swona. Xana u ehleketa leswaku hi ta kala hi wu vona nkarhi lowu eka wona ku nga ta va ku nga ri na munhu loyi a nga evuswetini? [Yimela nhlamulo. Kutani u hlaya Pisalema 9:18.] Magazini lowu wu hlamusela leswi vangaka vusweti ni leswi Bibele yi swi vulaka malunghana ni ntlhantlho wa xiviri wa xiphiqo lexi.”

Xalamuka! June

“Vutherorisi byi hundzuke xiphiqo emisaveni hinkwayo. U ehleketa leswaku i yini lexi vangaka xiphiqo xexo? [Yimela nhlamulo.] Marito lawa lama nga eBibeleni ma hi nyika ntshembo. [Hlaya Pisalema 72:7, 14.] Magazini lowu wu hlamusela swin’wana swa swivangelo swa vutherorisi naswona wu kombisa leswi Bibele yi swi vulaka malunghana ni ndlela leyi vutherorisi byi nga ta herisiwa ha yona swin’we ni nkarhi lowu byi nga ta herisiwa ha wona.”