Swingheniso Leswi Hi Nga Swi Tirhisaka

Xihondzo xo Rindza July 1

“Leswi vanhu va nga tiyisekiki hi leswi vumundzuku byi va khomeleke swona, xana u anakanya leswaku marito ya Yesu lama vulavulaka hi ku langutana ni ku vilela ma pfuna? [Hlaya Matewu 6:25 kutani u yimela nhlamulo.] Nkandziyiso lowu wa Xihondzo xo Rindza wu hlamusela ndlela leyi ku tirhisa milawu ya le Bibeleni swi nga hi pfunaka ha yona ku hunguta ku vilela hi mali, swiphiqo swa ndyangu ni loko munhu a ri ekhombyeni.”

Xalamuka! July

“Vanhu vo tala namuntlha va karhatiwa hi swiphiqo leswi va humelelaka evuton’wini. A swi tano ke? [Yimela nhlamulo.] Bibele yi kombisa leswaku langutelo leri hi nga na rona i ra nkoka loko hi langutane ni swiphiqo. [Hlaya Swivuriso 24:10.] Magazini lowu wu ni swiringanyeto leswi pfunaka swa ndlela leyi hi nga langutanaka ha yona ni swiyimo swo tika naswona wu ni swikombiso swa xiviri swa vanhu van’wana lava endlaka tano.”