Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • g04 10/8 matl. 11-12
  • Ku Pfuna Ni Ku Seketela Vantshwa

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Ku Pfuna Ni Ku Seketela Vantshwa
  • Xalamuka!—2004
  • Swihloko
  • Tinhlokomhaka Tin'wana Leti Yelana Na Yona
  • Ku Sivela
  • Ku Tika Ka Vantshwa—I Xiphiqo Xa Misava Hinkwayo
    Xalamuka!—2004
  • Ku Langutana Ni Mintlhontlho Ya Ku Va Manana La Nga Muntshwa
    Xalamuka!—2004
  • Xana Vamanana Lava Nga Tekiwangiki Va Nga Xi Tirhisa Njhani Xiyimo Xa Vona Hi Ndlela Leyi Vuyerisaka?
    Xalamuka!—1994
  • Vana Va Kuma Vana
    Xalamuka!—2004
Vona Swo Tala
Xalamuka!—2004
g04 10/8 matl. 11-12

Ku Pfuna Ni Ku Seketela Vantshwa

SWA vava loko nhwanyana—loyi a ha riki n’wana —na yena a kuma khwiri kambe a nga tekiwanga. Kambe ku tika ka vantshwa ku andzile naswona ku khumba vanhu hinkwavo hi ndlela yo karhi. Ntungu wa ku tika ka vantshwa i vumbhoni byin’wana bya leswaku milawu ya Xikwembu yi lulamile: “Balekelani vumbhisa.”—1 Vakorinto 6:18.

Hambiswiritano, nkarhi ni nkarhi, nhwanyana loyi a dyondzisiweke tindlela ta Xikwembu u honisa leswi a swi tivaka. Wa oswa kutani a tika. Xana Vakreste va ntiyiso va endla yini? Loko muntshwa wo tano la dyoheke a hundzuka, vatswari va yena ni swirho swin’wana swa vandlha ra Vukreste swi fanele swi n’wi pfuna ni ku n’wi seketela.

Nakambe anakanya hi Nicole. Vatswari va yena a va n’wi kurisa leswaku a va Mbhoni ya Yehovha. A swi tsema nhlana swinene loko a kuma khwiri a nga tekiwanga. Kambe, Nicole u ri, “Timbhoni-kulorhi a ti ta ekaya ti ta ndzi khutaza ku hlaya Bibele ni ku hambeta ndzi va kusuhi na Yehovha.”

Timbhoni ta Yehovha a ti ku amukeli nikatsongo ku tikhoma ko biha hi tlhelo ra rimbewu. Kambe ti xiye leswaku loko ti tirhisa misinya ya milawu ya Bibele, mudyohi a nga “hundzuka.” (Varhoma 12:2) Ti ni ntshembo lowu tiyeke wa leswaku Xikwembu xa va rivalela vadyohi lava hundzukaka. (Vaefesa 1:7) Nakambe ta swi xiya leswaku hambiloko n’wana a tikiwe ehandle ka vukati, n’wana yoloye a nga dyohanga nchumu. Kutani ematshan’weni yo khovolela n’wana yoleyo, swirho swa vandlha ra Vukreste swa n’wi tsakela, swi n’wi kombisa ntwela-vusiwana ni ku va ni musa eka yena ku fana ni le ka vana van’wana.—Vakolosa 3:12.

Manana un’wana la nga tekiwangiki u sungule ku dyondza Bibele ni Timbhoni ta Yehovha. Hi ku hatlisa u amukele rungula ra Bibele kutani a endla ku cinca lokukulu evuton’wini byakwe. U vule leswi hi Timbhoni: “Hinkwato a ti kombisa ku ndzi tsakela ni ku tsakela vana va mina. Ti ndzi nyike swakudya ni swiambalo loko swi fanela hambi ku ri mali. Loko ndzi faneleka ku hlanganyela entirhweni wa nsimu ni Timbhoni ta Yehovha, ti ndzi salele ni n’wana. Ti endle hinkwaswo leswi ti nga swi kotaka ku ndzi pfuna leswaku ndzi kurisa rirhandzu ra xiviri hi Yehovha.”

Ku Sivela

Hambiswiritano, swi antswa ngopfu ku pfuna vantshwa va papalata swiphiqo swo tano to ho suka. Xisweswo Timbhoni ta Yehovha ti ringeta leswaku vana va tona va kulela endyangwini lowu nga ni rirhandzu. Ematshan’weni yo khomelela emhakeni yo hlohlotela ku chava AIDS kumbe ku tika—Timbhoni ti ringeta ku dyondzisa vana va tona ku rhandza Yehovha Xikwembu ni milawu ya yena. (Pisalema 119:97) Ti tshemba leswaku vana va fanele va dyondzisiwa kahle malunghana ni rimbewu. Xa nkoka ngopfu, ti tshemba leswaku ku sukela loko vana va ha ri tincece va fanele va dyondzisiwa misinya ya milawu ya mahanyelo leyi nga eBibeleni. (2 Timotiya 3:15) Ku ni ndzetelo lowu hleriweke kahle eTiholweni ta Mfumo ta Timbhoni ta Yehovha. Hambiswiritano, vatswari lava nga Timbhoni va khutaziwa ku dyondza Bibele ni vana va vona. Tibuku to fana ni leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka, ti humesiwile leswaku ti pfuna vatswari ku nyika vana va vona nkongomiso wa mahanyelo.a

Ku hanya hi ku pfumelelana ni misinya ya milawu ya mahanyelo leyi kumekaka eBibeleni swi ta endla leswaku u papalata mahanyelo yo biha ya misava. Kambe ndlela leyi munhu a hanyaka ha yona yi nga endla leswaku vantshwa va timiliyoni va hlaseriwa hi khombo leri ra ku va ni makhwiri.

[Nhlamuselo ya le hansi]

a Yi kandziyisiwe hi Timbhoni ta Yehovha.

[Xifaniso lexi nga eka tluka 12]

Vakreste va ntiyiso va khoma vamanana lava nga tekiwangiki hi musa naswona va va anakanyela

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela