Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • g 3/06 tl. 30
  • Leti Humaka Eka Vahlayi

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Leti Humaka Eka Vahlayi
  • Xalamuka!—2006
  • Tinhlokomhaka Tin'wana Leti Yelana Na Yona
  • Leti Humaka Eka Vahlayi
    Xalamuka!—2007
  • Leti Humaka Eka Vahlayi
    Xalamuka!—2006
  • Leti Humaka Eka Vahlayi
    Xalamuka!—2006
  • Leti Humaka Eka Vahlayi
    Xalamuka!—2006
Vona Swo Tala
Xalamuka!—2006
g 3/06 tl. 30

Leti Humaka Eka Vahlayi

Khensa Ya Nhlonge—Ndlela Yo Tisirhelela (June 8, 2005) Rungula leri nga eka magazini lowu i rinene ngopfu. Ndzi dokodela etliliniki leyi tshungulaka mavabyi ya nhlonge. Ndzi kombela tikopi leti engetelekeke leswaku ndzi ta ti nyika van’wana.

K. W., Denmark

Hikwalaho ka xihloko lexi, ndzi endle xiboho xa leswaku ndzi ya kamberiwa rhumba leri a ri ri enhlaneni wa mina. Dokodela u ndzi byele leswaku loko a ndzi lo ri tshika a ri ta hetelela ri ve khensa leyi vitaniwaka xifo xa Bowen. Ndzi endliwe vuhandzuri hi ku hatlisa. Nkandziyiso lowu wu ndzi pfunile leswaku ndzi teka goza hi xihatla.

S. M., Japani

Bokisi leri nga eka tluka 7 ri ndzi susumetele leswaku ndzi ya eka dokodela a ya ndzi kambela mavalavala lawa a ndzi ri na wona. Dokodela u kume leswaku—a ku ri swirhumbana leswi nga ni khombo naswona a swi nga si sungula ku rhumbuka. Tanihi laha xihloko lexi xi kombiseke hakona, loko swirhumbana leswi a swi nga tshunguriwanga hi ku hatlisa, a swi ta vanga khombo. Ndzi n’wi nkhensa swinene dokodela wa mina ni nkandziyiso lowu wa Xalamuka!, lowu pfuneke eku ponisiweni ka vutomi bya mina!

L. S., United States

Swivutiso Leswi Nga Kambisisiwaka Hi Ndyangu (May 8, 2005, hi Xinghezi) A ndzi rhandza ku hlaya ntsena swihloko leswi a swi ndzi tsakisa, kambe endzhaku ka loko ndzi vone xihloko lexi nge “Swivutiso Leswi Nga Kambisisiwaka Hi Ndyangu,” ndzi hlaye magazini hinkwawo leswaku ndzi ta kota ku hlamula swivutiso swa kona. Ku nga ri kungani, se a ndzi swi endle mukhuva ku hlaya magazini hinkwawo!

Y. Z., Rhaxiya

Tluka leri ri ndzi tsakisile swinene. A ri tsakisa naswona ri ndzi endle ndzi xiya leswaku ndzi fanele ku anakanyisisa hi leswi ndzi swi hlayaka!

D. S., Britain

Vantshwa Va Vutisa . . . Ha Yini Ndzi Rhandza Vanhu Lava Nga Riki Vanene? (August 8, 2005) Swi vonaka onge hambileswi ndzi heteke malembe ya khume ndzi ri karhi ndzi ri “ni swo tala swo swi endla entirhweni wa Hosi,” kambe a ndza ha tsandzeka ku lawula ku tsana loku evuton’wini bya mina. (1 Vakorinto 15:58) Ndzi xiye leswaku a ndzi nga kuli hi tlhelo ra mianakanyo, kambe a ndzi nga tivi leswaku ndzi nga xi hlula njhani xiphiqo lexi. Ndzi nkhensa Yehovha hi swihloko swo fana ni leswi, leswi hi pfunaka ku ya emahlweni emafambiselweni lawa ya swilo.

J. F., United States

Enkandziyisweni lowu ku vuriwa leswaku ‘hi nga papalati vanhu ntsena hi leswi va nga wu tiviki ntiyiso wa Bibele.’ Xana mi nga navanyana ni mhaka leyi? Ku vuriwa yini loko Mukreste a endla xinghana ni munhu loyi a nga riki mupfumeri? Xana sweswo a swi nge n’wi peti ekhombyeni?

D. P., United States

Nhlamulo ya “Xalamuka!”: Xihloko xexo a xi khutazi Vakreste ku endla xinghana ni vanhu lava nga pfumeriki. Entiyisweni, xitsundzuxo xa Bibele xa tirha eswiyin’weni hinkwaswo: “Vunakulobye byo biha byi onha mikhuva leyi pfunaka.” (1 Vakorinto 15:33) Hambiswiritano, leswi a swi vuli leswaku hi fanele hi papalata lava nga riki vapfumeri hilaha ku heleleke. Hilaha swi kombisiweke hakona exihlokweni xexo, Bibele yi hi khutaza leswaku ‘hi endlela hinkwavo leswi nga swinene’—ku nga ri lava hi pfumelaka na vona ntsena. (Vagalatiya 6:10) Kunene, ntirho wa hina wa ku chumayela wu lava leswaku hi tsakela vanhu ni ku va komba xichavo. Yesu u hi vekele xikombiso lexinene emhakeni leyi. A nga endlanga xinghana ni lava a va nga swi rhandzi ku endla ku rhandza ka Xikwembu. (Yohane 15:14) Hambiswiritano, a a ya eka vanhu a bula na vona. Hikwalaho ka sweswo, Yesu u swi kotile ku nyikela vumbhoni lebyinene. (Hlaya rungula leri kumekaka eka Luka 7:36-50.) Ku fana na Yesu, hi fanele hi va xixima vanhu lava nga riki vapfumeri. Xikongomelo xa hina i ku va vanhu lava ‘anakanyelaka, va kombisaka ku rhula hinkwako eka vanhu hinkwavo.’—Tito 3:2.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela