Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • g 6/11 matl. 24-25
  • Ndlela Leyi Maxelo Ma Nga Cincaka Swiyimo Ha Yona

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Ndlela Leyi Maxelo Ma Nga Cincaka Swiyimo Ha Yona
  • Xalamuka!—2011
  • Swihloko
  • Tinhlokomhaka Tin'wana Leti Yelana Na Yona
  • Loko Ku Be Xidzedze
  • Ku Hluriwa Hi Mpfula
  • Swikepe Swa Nyimpi Swa Le Spaniya—Riendzo Ra Swona Ra Khombo
    Xalamuka!—2007
  • Nguva Ya Ntsako Ya Hosi Ya Xisati Elizabeth Wo Sungula—Xana A Yi Ri Ntsheketo Kumbe A Yi Ri Ya Xiviri?
    Xalamuka!—2010
  • Ku Lwa Ka Bibele Ya Xipaniya Leswaku Yi Hambeta Yi Va Kona
    Xihondzo xo Rindza Xi Huwelela Mfumo Wa Yehovha—1992
  • “Swikepe Swa Kitimi” Swi Famba-famba eMalwandle
    Xihondzo xo Rindza Xi Huwelela Mfumo Wa Yehovha—2007
Vona Swo Tala
Xalamuka!—2011
g 6/11 matl. 24-25

Ndlela Leyi Maxelo Ma Nga Cincaka Swiyimo Ha Yona

MATIMU ma hi byela hi swiendlakalo leswi eka swona maxelo ma cinceke ndlela leyi swilo a swi ta endleka ha yona. A hi kambisiseni swikombiso swimbirhi.

Loko Ku Be Xidzedze

Hi 1588, Philip Hosi ya le Spain, u rhumele swikepe leswi tiviwaka hi Spanish Armada leswaku swi ya hlasela tiko ra Nghilandhi. Kambe swilo a swi endlekanga hi ndlela leyi a swi hleriwe ha yona hikuva maxelo ma kavanyetile.

Swikepe swa le Spain swi nghene hi Mugerho wa Nghilandhi ivi swi hlangana ni swikepe swa tiko rero. Loko swikepe swa Nghilandhi swi ri karhi swi hlasela swikepe swa le Spain, a swi onhanga ngopfu. Kutani swikepe leswi tiviwaka hi Spanish Armada swi tlhome tinsoma ta swona ekusuhi ni le Calais leswaku swi ta landza masocha ya swona lama nga ta hlasela Nghilandhi.

Loko va ri exinyameni, tiko ra Nghilandhi ri hise swikepe swa rona swo hlayanyana, leswi a ku ri ni moya lowu a wu hunga, ndzilo wu ye laha a ku ri ni swikepe swa Spain. Swikepe swa le Spain swi tseme tinsoma ta swona leswaku swi nga tshwi hi ndzilo. Sweswo a swi kombisa leswaku tiko ra Spain a ri ta hluriwa.

Endzhaku ka leswi humeleleke eCalais, swikepe hinkwaswo swi kongome eLwandle ra le N’walungu laha moya a wu hungela kona. Hi nkarhi wolowo, swikepe swa Nghilandhi se a swi heleriwe hi swibuluki, xisweswo swi ye eribuweni ra le Nghilandhi. Tanihi leswi a swi kavanyetiwa hi moya, swikepe swa Spain swi boheke ku tlutela en’walungu wa Scotland kutani swi ya edzongeni wa kona kukondza maxelo ma antswa ivi eku heteleleni swi tlhelela eSpain.

Hi nkarhi wolowo, swikepe swa Spain a swi nga ha ri na swakudya ni mati naswona swikepe swa kona leswi onhakeke a swi ri ni vatluti lava vavisekeke swin’we ni van’wana lava a va khomiwe hi vuvabyi bya n’ombe. Hikokwalaho, hinkwavo lava a va ri kwalaho a va tsanile hikuva a va sika hi ndlala.

Loko swikepe swi fike eScotland, ku ve ni xidzedze eAtlantic lexi kongomiseke swikepe swo tala hi le ribuweni ra Ireland. Lexi a xi ta va pfuna a ku ri ku hoxa nsoma ivi va rindza leswaku xidzedze xi yima. Kambe tanihi leswi eku sunguleni tinsoma to tala a ti tsemiweke hikwalaho ko chava ndzilo, swikepe swa Spain swa 26 swi tshovekele eribuweni ra Irish kutani ku fa vanhu va kwalomu ka 5 000 ku ya eka 6 000.

Loko swikepe swa Spain swi tlhelela etikweni ra rikwavo, se a ku fe vanhu va kwalomu ka 20 000. Xivangelo-nkulu lexi endleke leswaku ku fa vanhu vo tala ni ku tshoveka ka swikepe i maxelo. Swi nga ha endleka leswaku Madachi ma ehleketa hi ndlela leyi fanaka. Endzhaku ka sweswo, loko ku fika nkarhi wa ku tlangela ku hluriwa ka vanhu va le Spain, Madachi a ma tshemba leswaku Xikwembu hi xona xi vangaka timhangu ta ntumbuluko naswona eka sagwadi leri va ri kumeke a ku tsariwe marito la ma nge: “Yehovha u va hangalase hi xidzedze.”

Ku Hluriwa Hi Mpfula

Xiendlakalo xin’wana lexi cinceke misava lexi khumbiweke swinene hi maxelo a ku ri Nyimpi ya Waterloo leyi veke kona hi 1815. Matimu ma kombisa leswaku eka nyimpi leyi a yi ri kwalomu ka tikhilomitara ta 21 ku ya edzongeni wa Brussels le Belgium ku dlayiwe kumbe ku vaviseka vanhu lava tlulaka 70 000 hi tiawara ti nga ri tingani. Hosana ya tiko ra Britain le Wellington yi hlawule ndhawu leyi a ku ta lweriwa eka yona naswona yi humelerile. Hambileswi vuthu ra Napoleon a ri tele ku tlula ra Wellington, Napoleon a a fanele a hlula nala wakwe ri nga si pela hikuva hi vusiku byebyo Wellington a a ta kuma nseketelo eka vuthu ra le Prussia. Nakambe, maxelo ma hoxe xandla emhakeni leyi.

Emahlweni ka siku ra nyimpi ku ne mpfula leyikulu. Masocha yo tala ma tsundzuka siku rero tanihi siku ro chavisa evuton’wini bya wona. Hambileswi masocha man’wana a ma kota ku dzima matende lamatsongo, socha rin’wana ri vule leswaku mibedo a yi tsakame onge hiloko yi ri enambyeni. Mpfula yoleyo yi vange nhlangasi. Napoleon a a lava ku sungula nyimpi nimixo hikuva a a lava ku hatla a hlula Wellington. Kambe a a fanele a rindza kukondza ku hundza tiawara to hlayanyana.

Xivangelo-nkulu xa ku hlwela a ku ri xiyimo xa misava leyi a yi fanele yi oma nyimpi yi nga si sungula. Ndzhope lowu a wu ta endla leswaku ku tirhisiwa ka swibalesa ku nga vi na matimba, ku nga nchumu lowu a wu chavisa Napoleon. Xo sungula, tanihi leswi a ku ri ni ndzhope a swi tika ku famba-fambisa michini leyi nga ni swibalesa naswona sweswo a swi endla leswaku masocha ma nga koti ku swi tirhisa hi xihatla. Xa vumbirhi, a va lava leswaku swibalesa swoleswo swi bulukela emisaveni leswaku swi vavisa masocha ya Wellington. Kambe sweswo a swi endlekanga hikuva misava a yi tsakama. Kutani leswi a swi vula khombo eka Napoleon swin’we ni masocha ya yena. Tanihi leswi maxelo a ma nga ri manene, masocha ya Napoleon ma hluriwile naswona yena u yisiwe evuhlongeni.

Eka swiendlakalo sweswo haswimbirhi, swi le rivaleni leswaku maxelo ma hoxe xandla swinene malunghana ni swilo leswi humeleleke. Swiendlakalo sweswo swi endle leswaku Mfumo wa Britain wu va ni matimba.

[Xifaniso lexi nga eka tluka 24]

Swikepe swa Spanish Armada

[Xihlovo Xa Kona]

© 19th era/​Alamy

[Xifaniso lexi nga eka tluka 25]

Nyimpi ya Waterloo

[Xihlovo Xa Kona]

© Bettmann/CORBIS

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela