Swiendlakalo Leswi Hlawulekeke Eka Matimu Ya Manguva Lawa Ya Timbhoni Ta Yehovha

1870 Charles Taze Russell ni ntlawa lowu humaka le Pittsburgh ni le Allegheny, Pennsylvania, U.S.A., va sungule dyondzo ya Bibele ya nkarhi na nkarhi

1870-75 Russell ni vanghana va yena lava dyondzaka swin’we va dyondze leswaku loko Kreste a vuya a nge vonakali emahlweni ya vanhu ni leswaku xikongomelo xa ku vuya ka yena xi katsa ku katekisiwa ka mindyangu hinkwayo ya la misaveni

1872 Russell ni ntlawa lowu a a dyondza swin’we na wona va twisise nxavo wa nkutsulo wa Kreste lowu a wu humeseleke vanhu

1876 C. T. Russell u kume kopi ya Herald of the Morning, hi January; a hlangana na N. H. Barbour, muhleri wa yona, hi ximumu xolexo a ri le Philadelphia, Pennsylvania

Ku kandziyisiwe xihloko xa C. T. Russell eka nkandziyiso wa October wa Bible Examiner, le Brooklyn, New York, lexi a xi kombetela eka 1914 tanihi ku hela ka Minkarhi ya Vamatiko

1877 Buku leyi nge Three Worlds yi humesiwile, hikwalaho ka matshalatshala ya N. H. Barbour na C. T. Russell

C. T. Russell a humesa xibukwana lexi nge The Object and Manner of Our Lord’s Return, le hofisini ya Herald of the Morning, le Rochester, New York

1879 Russell u tshike ku seketela Herald of the Morning, hi laha ku heleleke hi May, hikwalaho ka langutelo ra Barbour emhakeni ya nkutsulo

Nkandziyiso wo sungula wa Zion’s Watch Tower and Herald of Christ’s Presence, wa July 1879

1881 Swiphephana swo sungula leswi humesiweke hi Swichudeni swa Bibele; emahlweni ka 1914, ku hangalasiwa ka swiphephana ku fikelele ntsengo wa makume ya timiliyoni ta tikopi hi tindzimi ta 30 lembe na lembe

Ku hleriwa Zion’s Watch Tower Tract Society; ku huma xirhambo lexi nge “Vahuweleri Va 1 000 Lava Laviwaka,” van’wana va ta va makhalipotiya ya nkarhi hinkwawo, van’wana va ta tirhisa nkarhi wihi na wihi lowu va nga na wona leswaku va hangalasa ntiyiso wa Bibele

Ku hangalasiwa tikopi ta 300 000 ta Food for Thinking Christians eka vangheni va kereke emadorobeni-nkulu le Britain

1883 Watch Tower yi fika le China; hi ku hatlisa khale ka murhumiwa wa Presbeteriya u sungule ku veka vumbhoni eka van’wana kwale

1884 Food for Thinking Christians yi fika le Liberia, le Afrika; muhlayi la tlangelaka a tsala a kombela tikopi ta ku ti hangalasa

Zion’s Watch Tower Tract Society yi amukeriwa ximfumo le Pennsylvania; ivi yi tsarisiwa ximfumo hi December 15

1885 Tibuku ta Watch Tower ana se a ti hlayiwa hi vanhu lava va nga ni ndlala ya ntiyiso le Amerika N’walungu na Dzonga, Yuropa, Afrika na Asia

1886 Ku kandziyisiwa The Divine Plan of the Ages, vholumo yo sungula ya nongonoko lowu vitaniwaka Millennial Dawn (leyi endzhaku yi nga thyiwa vito ra Studies in the Scriptures)

1889 Ku akiwa Bible House le Arch Street, le Allegheny, Pennsylvania, tanihi yindlu-nkulu ya Sosayiti

1891 Ku hlengeletana ko sungula ka Swichudeni swa Bibele loku swi ku vitaneke ntsombano, le Allegheny, Pennsylvania (April 19-25)

1894 Valanguteri lava famba-fambaka lava hi ku famba ka nkarhi va nga tiviwa tanihi maphiligirimu (lava namuntlha va nga valanguteri va swifundzha ni miganga) va rhumiwa hi ku fambisana ni xiyimiso xa Sosayiti leswaku va endzela mavandlha

1900 Ku pfuriwa ka hofisi yo sungula ya rhavi ra Sosayiti ya Watch Tower, le London, Nghilandhi

Ku vula vumbhoni ka Swichudeni swa Bibele se a ku endliwa ematikweni ya 28, naswona rungula leri va ri chumayelaka ri fike ni le matikweni man’wana ya 13

1903 Ku hangalasiwa lokukulu ka swiphephana swa mahala hi yindlu na yindlu; emahlweninyana ku hangalasiwa ka swiphephana a ku endliwa eswitarateni ekusuhi ni le tikerekeni hi Tisonto

1904 Tidyondzo ta C. T. Russell ti sungula ku humelela nkarhi na nkarhi eka maphepha-hungu; ku nga si hela malembe ya khume, se a ti kandziyisiwa hi maphepha-hungu ya kwalomu ka 2 000

1909 Yindlu-nkulu ya Sosayiti yi rhurhiseriwa le Brooklyn, New York, hi April

1914 Nkombiso wo sungula wa “Photo-Drama of Creation,” le New York, hi January; ku nga si hela lembe, yi voniwe hi vanhu lava tlulaka 9 000 000 le Amerika N’walungu, Yuropa na Australia

Hi October 2, ekamareni ro dyela le Bethele eBrooklyn, C.T. Russell a tiyisisa a ku, “Minkarhi ya Vamatiko yi herile”

Swichudeni swa Bibele swi chumayela hi ku chivirika ematikweni ya 43; naswona 5 155 va vike tanihi lava vulaka vumbhoni eka van’wana; lava veke kona eXitsundzuxweni i 18 243

1916 Ku fa ka C. T. Russell a ri ni malembe ya 64, hi October 31, a ri exitimeleni lexi hundzaka hi le Texas

1917 J. F. Rutherford a va muungameri wa Sosayiti hi January 6, endzhaku ka loko komiti leyi lawulaka yi kongomise timhaka ta Sosayiti kwalomu ka tin’hweti timbirhi

Ku humesiwa ka buku leyi nge The Finished Mystery eka ndyangu wa Bethele le Brooklyn hi July 17; mune wa lava a va tirha eka vandla ra Sosayiti ra vakongomisi va sungula ku kaneta swinene; endzhaku ka sweswo mavandlha yo tala ma avana

1918 Nkulumo leyi nge “Misava Yi Herile—Timiliyoni Leti Hanyaka Sweswi Swi Nga Endleka Ti Nga Fi” yi nyikeriwa ro sungula, hi February 24, le Los Angeles, California. Hi March 31, le Boston, Massachusetts, ku nyikeriwe nkulumo leyi nge “Misava Yi Herile—Timiliyoni Leti Hanyaka Sweswi Ti Nga Ka Ti Nga Fi”

Ku humesiwa mpfumelelo wo khoma J. F. Rutherford ni vanghana vakwe lavakulu hi May 7; ku tenga ku sungula hi June 5; hi June 21 va gweveriwa minkarhi yo leha ekhotsweni (un’wana a gweviwa hi July 10)

Yindlu-nkulu ya le Brooklyn yi pfariwa hi August, naswona mintirho ya yona yi tlheriseriwa le Pittsburgh ku tlula kwalomu ka lembe

1919 Vakongomisi va Sosayiti ni vanghana va vona va ntshunxiwa hi beyili, hi March 26; hi May 14 huvo ya swikombelo yi susa xiboho xa huvo ya le hansi, naswona ku humesiwa xileriso xa leswaku ku tengiwa nakambe; eka lembe leri landzeleke, hi May 5, hulumendhe yi hlamba mavoko eka nandzu, yi ala ku tenga timhaka

Ku endla nkambisiso wa ku vona leswaku xana ntirho wa Swichudeni swa Bibele wu nga tlhela wu pfuxetiwa ke, J. F. Rutherford u lunghiselele ku nyikela nkulumo ya le rivaleni leyi nge “Ntshembo Eka Vanhu Lava Heleke Matimba,” le Holweni ya Clune, le Los Angeles, California, hi May 4; ntshungu a wu swi koti ku nghena hinkwawo, kutani nkulumo yi fanele yi tlhela yi nyikeriwa ra vumbirhi

Swichudeni swa Bibele swi khoma ntsombano le Cedar Point, Ohio, hi September 1-8; ku tivisiwa magazini lowu taka wa The Golden Age (lowu sweswi wu vitaniwaka Xalamuka!)

Bulletin (leyi sweswi yi vitaniwaka Vutirheli Bya Hina Bya Mfumo) yi humesiwa tanihi nchumu lowu nga ta khutaza entirhweni wa nsimu

Xiviko xa lembe xi kombisa ku ri ni Swichudeni swa Bibele swa 5 793 leswi chivirikaka ematikweni ya 43; xiviko xa lava a va ri kona eXitsundzuxweni a va ri 21 411

1920 Sosayiti ya Watch Tower yi sungula mintirho ya yona ya ku gandlisa, le Brooklyn

1922 Ku tirhisiwa xiya-ni-moya ro sungula hi J. F. Rutherford, hi February 26, le California, leswaku ku haxiwa nkulumo ya Bibele

Ntsombano wa Swichudeni swa Bibele le Cedar Point, Ohio, hi September 5-13; ku endliwa xikombelo “Twarisani, twarisani, twarisani Hosi ni mfumo wa yona”

Vafundhisi le Jarimani va susumetela maphorisa ku khoma Swichudeni swa Bibele loko swi hangalasa tibuku ta Bibele erivaleni

1924 WBBR (xitichi xo sungula xa xiya-ni-moya lexi xi nga xa Sosayiti ya Watch Tower) xi sungula ku haxa hi February 24

1925 Xihondzo xo Rindza (xa Xinghezi) xa March 1, loko xi vulavula hi Mfumo wa Xikwembu hi 1914, xi kombisa leswaku ku ni tinhlengeletano timbirhi leti hambaneke ni leti kanetanaka—ya Yehovha ni ya Sathana

1926 Ku khutaza ku chumayela hi tibuku hi yindlu na yindlu hi Sonto

1928 Ku khotsiwa ka Swichudeni swa Bibele le New Jersey (U.S.A.) hikwalaho ko hangalasa tibuku tanihi xiphemu xa ku chumayela ka tona hi yindlu na yindlu; ku nga si hela malembe ya khume, ku va ni ku khotsa ko tano loku tlulaka 500 hi lembe le United States

1931 Vito leri nge Timbhoni ta Yehovha ri amukeriwa hi ku landza xiboho lexi endliweke entsombanweni le Columbus, Ohio, hi July 26, ni le mintsombanweni yin’wana emisaveni hinkwayo leyi khomiweke endzhaku

1932 Vindication, Buku ya vu-2, yi hlamusela leswaku ha yini ku vuyeteriwa ka vuprofeta bya Bibele ku nga tirhi eka Vayuda va xiviri kambe ku tirha eka Israyele wa moya

Lunghiselelo ra “vakulu lava hlawuriweke” ra herisiwa, hi ku fambisana ni nhlamuselo ya minkandziyiso ya Xihondzo xo Rindza (xa Xinghezi) xa August 15 na September 1

1933 Timbhoni ta Yehovha ti yirisiwa le Jarimani. Hi nkarhi wa nxaniso lowukulu ku kondza ku hela Nyimpi ya Vumbirhi ya Misava, ku khomiwa 6 262, naswona nkarhi wa ku khotsiwa ka vona loko wu hlanganile i malembe ya 14 332; va 2 074 va rhumeriwa etikampeni ta nxaniso, laha ku khotsiwa ka vona loko ku hlanganile ku endlaka malembe ya 8 332

Michini ya mpfumawulo (yin’wana yi vekeriwe emimovheni) yi tirhisiwa hi Timbhoni ku haxa tinkulumo ta Bibele erivaleni

1934 Tigramafoni leti rhwalekaka ti tirhisiwa hi Timbhoni, ti tlanga tinkulumo ta Bibele to koma leti rhekhodiweke, ti tlangeriwa lava tsakelaka

1935 Eka nkulumo ya le ntsombanweni le Washington D.C., May 31, “vunyingi lebyikulu” byi kombisiwa tanihi ntlawa wa le misaveni; 840 wa vanhu va khuvuriwa eka ntsombano lowu; ku yiwa emahlweni ku kandziyisiwa ntshembo wa vutomi lebyi nga heriki emisaveni ya paradeyisi eka malandza lama tshembekaka ya Xikwembu lama hanyaka sweswi

Ndhawu ya ku hlanganyela yi vitaniwa ro sungula leswaku i Holo ya Mfumo, le Honolulu, eHawaii

1936 Ro sungula vahuweleri va Mfumo va ambala tibodo ta ku tivisa vanhu hi ta tidyondzo ta Bibele

Ku nyikeriwa xikhutazo xa ku sungula tidyondzo ni vanhu lava tsakelaka, hi ku tirhisa buku ya Sosayiti leyi nge Riches swin’we ni Bibele; hakanyingi leti a ku va tidyondzo ta mintlawa

1937 Tigramafoni leti rhwalekaka ti tirhisiwa hi Timbhoni leswaku ti tlanga tinkulumo ta Bibele leti rhekhodiweke, ti tlangiwa emakaya

1938 Maendlelo ya ku hlawula valanguteri emavandlheni hi ndlela ya le tilweni ya siva maendlelo ya ku tihlawulela loyi va n’wi rhandzaka, hi ku twanana ni minkandziyiso ya June 1 na 15 ya Xihondzo xo Rindza (xa Xinghezi)

Tinhlengeletano ta tizoni (leti sweswi ti vitaniwaka tinhlengeletano ta swifundzha) ti lunghiseleriwa mintlawa ya mavandlha

1939-45 Emfun’weni hinkwawo wa Britain swin’we ni le British Commonwealth, matiko ya 23 ma yirisa Timbhoni ta Yehovha kumbe ku yirisa tibuku ta vona ta Bibele

1940 Ku hangalasiwa ka Xihondzo xo Rindza ni Consolation ku sungula ku va xiphemu lexi tolovelekeke xa ntirho wa Timbhoni ta Yehovha

Xiboho xa Huvo-nkulu ya U.S., hi June 3, lexi seketelaka ku losa mujeko ku nga khathariseki leswi u swi pfumelaka hi tlhelo ra vukhongeri xi vange tsima ro lwisana ni Timbhoni ta Yehovha etikweni hinkwaro

1941 Timbhoni leti hisekaka ti hundza nhlayo ya 100 000, ti fikelela nhlohlorhi ya 109-371 ematikweni ya 107, hambi leswi Nyimpi ya Vumbirhi ya Misava yi funengeteke Yuropa, yi tlulela ni le Afrika ni le Asia

1942 Ku fa ka J. F. Rutherford hi January 8 le San Diego, California

N. H. Knorr a va muungameri wa Sosayiti wa vunharhu hi January 13

Lembe rolero nhlayo leyi kandziyisiweke ya Xihondzo xo Rindza a yi ri 11 325 143 hi tindzimi hinkwato

Dyondzo leyi Antswisiweke eVutirhelini bya le Tilweni yi sunguriwa eka vatirhi va Sosayiti va le yindlu-nkulu, hi February 16

Sosayiti ya Watch Tower yi kandziyisa Bibele leyi heleleke, King James Version, emuchinini wa yona wa ku gandlisa (web rotary)

1943 Tlilasi yo sungula ya Xikolo xa Bibele xa Gilead xa Watchtower yi sungula tidyondzo ta yona hi February 1

Dyondzo eVutirhelini bya le Tilweni (leyi sweswi yi vitaniwaka Xikolo xa Vutirheli bya le Tilweni) yi sunguriwile etinhlengeletanwini hi April leswaku yi tirhisiwa emavandlheni ya Timbhoni ta Yehovha

Huvo-nkulu ya U.S. yi endla swiboho leswi yimaka ni Timbhoni ta Yehovha eka milandzu ya 20 eka ya 24; Huvo leyikulu le Australia yi herisa ku yirisiwa ka Timbhoni kwalaho, hi June 14

1945 Ku sukela hi October 1, huvo ya vakongomisi va Sosayiti a yi nga ha hlawuriwi hi vona vahlawuri lava fanelekaka hikwalaho ka ku humesa minyikelo ya mali

Avhareji ya tidyondzo ta mahala ta Bibele leti fambisiwaka n’hweti yin’wana ni yin’wana se a ku ri 104 814

1946 Emalembeni ya nkombo ya le mahlweni ka leri, Timbhoni ta Yehovha leti tlulaka 4 000 le United States ni ta 1 593 le Britain ti khotsiwile ti vuya ti gweviwa ku pfaleriwa nkarhi wo sukela eka n’hweti ku ya eka ntlhanu wa malembe hikwalaho ka vukala-tlhelo bya tona bya Vukreste

Eka lembe leri ro sungula endzhaku ka Nyimpi ya Vumbirhi ya Misava, 6 504 va hlanganyela entirhweni wa nkarhi hinkwawo tanihi maphayona

Magazini wa Xalamuka! (lowu nga mutlhandlami wa The Golden Age na Consolation) wu sungula ku humesiwa; tikopi hinkwato leti kandziyisiweke eka lembe leri i 13 934 429

Timbhoni leti tlulaka 470 ti yisiwa etihubyeni le Greece hikwalaho ko avelana tidyondzo ta Bibele ni van’wana

1947 Le Quebec, Canada, ku va na milandzu ya 1 700 leyi tengiwaka le tihubyeni, leyi fambisanaka ni ntirho wa Timbhoni ta Yehovha wa ku vula evhangeli

Sweswi nhlayo ya mavandlha yi tlula 10 000, ku nga 10 782 loko ya hlangane hinkwawo

1950 New World Translation of the Christian Greek Scriptures yi humesiwa hi Xinghezi, hi August 2, entsombanweni le New York

1953 Ku sungula nongonoko lowu engetelekeke wa ku letela Timbhoni ta Yehovha eku chumayeleni hi yindlu na yindlu, hi September 1

1957 Ematikweni ya 169, Timbhoni ta Yehovha ti hete tiawara ta 100 135 016 eku twariseni ka Mfumo wa Xikwembu ni ku fambisa tidyondzo ta Bibele ni vanhu lavantshwa lava tsakelaka

1958 Nhlengeletano ya Matiko Hinkwawo ya Ku Rhandza Ka Xikwembu, le New York, a yi ri ni vayingiseri va 253 922 ku suka ematikweni ya 123; ku khuvuriwa 7 136

1959 inongonoko yo sungula ya Xikolo xa Vutirheli bya Mfumo, yi sungula hi March 9, le Lansing Dzonga, New York, yi endleriwa valanguteri va mavandlha ni valanguteri lava famba-fambaka

1961 Ntlawa wo sungula wa valanguteri va rhavi ra Sosayiti va sungula dyondzo yo hlawuleka ya ndzetelo ya khume ra tin’hweti le Brooklyn, New York, hi xikongomelo xo endla ntirho wa Timbhoni ta Yehovha wu va ni vun’we emisaveni hinkwayo

New World Translation of the Holy Scriptures, Bibele leyi heleleke yi ri hi vholumo yin’we, yi humesiwa hi Xinghezi

1963 New World Translation of the Christian Greek Scriptures yi humesiwa hi tindzimi tin’wana ta tsevu (Xidachi, Xifurwa, Xijarimani, Xintariyana, Xipaniya ni Xiputukezi), naswona a ka ha ta ta tin’wana endzhaku

Se a ku ri na Timbhoni ta Yehovha leti tlulaka miliyoni leti chivirikaka ematikweni ya 198; nhlohlorhi ya vahuweleri eka lembe leri a ku ri 1 040 836; ku khuvuriwe van’wana va 62 798

1965 Holo ya Tinhlengeletano yo sungula, ku nga holo ya mintlangu leyi pfuxetiweke, ivi yi tirhisiwa hi Timbhoni ta Yehovha le New York

1967 Magandlati ya nxaniso wa nkarhi wo leha ni wa tihanyi ehenhla ka Timbhoni ta Yehovha ma kukula Malawi hinkwaro ivi ma ya emahlweni hi malembe yo tala endzhaku ka sweswo

1969 Tidyondzo ta le kaya ta Bibele ti tlula miliyoni; xiviko xi kombisa avhareji ya 1 097 237

1971 Huvo leyi Fumaka yi kurisiwa; hi October 1, ntirho wa vutshama-xitulu wu sungula ku rhendzeleka hi swirho swa yona hi lembe

1972 Ku sukela hi October 1, mavandlha ya Timbhoni ta Yehovha ya va ehansi ka vukongomisi bya huvo ya vakulu, ematshan’wini yo va ehansi ka munhu un’we

1974 Nhlohlorhi ya vahuweleri emisaveni hinkwayo yi fika eka 2 021 432; maphayona ma andza ku suka eka 94 604 hi 1973, ku ya ka 127 135

1975 Huvo leyi Fumaka yi hleriwa nakambe; hi December 4, vutihlamuleri byo tala bya ntirho byi vekiwa emavokweni ya tikomiti ta tsevu leti sungulaka ku tirha hi January 1, 1976

1976 Tihofisi ta marhavi ya Sosayiti ya Watch Tower ti va ehansi ka vukongomisi bya komiti ya vavanuna vanharhu kumbe ku tlula lava vupfeke swinene emoyeni, ematshan’wini ya mulanguteri un’we ku sukela hi February 1

1977 Xikolo xa Ntirho wa Vuphayona xi sungula ku nyikela ndzetelo wo hlawuleka eka makume ya magidi ya maphayona emisaveni hinkwayo

1984 Tidyondzo ta le makaya ta Bibele leti fambisiwaka hi Timbhoni ta Yehovha se a ti endla avhareji ya 2 047 113

1985 Ku sunguriwa ka lunghiselelo ra vatirhi vo tirhandzela va matiko hinkwawo, ri kongomisiwa ku sukela le yindlu-nkulu ya Sosayiti eka ntirho wa ku aka wa misava hinkwayo

Xiviko xi komba leswaku 3 024 131 a va hlanganyela entirhweni wo chumayela hi Mfumo ematikweni ya 222; se maphayona a ku ri 322 821 hi avhareji; 189 800 va khuvuriwile eka lembe leri

1986 Ku hlawuriwa Tikomiti to Aka ta Xifundzha leswaku ti pfuna ku kongomisa ku akiwa ka Tiholo ta Mfumo

1987 Ntirho wa ku endla vadyondzisiwa wu ya wu kula, tanihi leswi se a ku fambisiwa tidyondzo ta Bibele ni vanhu ha un’we-un’we ni mindyangu, hinkwavo va ri 3 005 048, vo tala va dyondza vhiki na vhiki; lava khuvuriweke lembe leri va fike eka 230 843

Xikolo xa Ndzetelo wa Vutirheli xi sungula ku tirha, tlilasi yo sungula yi va le Coraopolis, ePennsylvania, hi October 1

1989 Swiyimo leswi hundzukaka le Yuropa Vuxa swi pfuna ku endla leswaku swi koteka ku khoma mintsombano minharhu le Poland, naswona ku va ni yin’wana ematikweni man’wana eka malembe lama landzeleke

1990 Ku herisa minsivelo eka Timbhoni ta Yehovha ematikweni ya le Afrika ni le Yuropa Vuxa swi olovisa ku vuriwa ka Evhangeli eka vanhu van’wana lava engetelekeke va 100 000 000

Vahuweleri va Mfumo va fikelela nhlohlorhi leyintshwa ya 4 017 213; maphayona ma andza ma va 536 508; tiawara ta 895 229 424 ti tirhisiwa entirhweni wa xihatla wa ku twarisa Mfumo

1991 Ku herisiwa ka ku yirisiwa le Yuropa Vuxa ni le Afrika swi endla swi olova leswaku ku fikeleriwa vanhu van’wana va 390 000 000 hi mahungu lamanene ya Mfumo wa Xikwembu

1992 Xihondzo xo Rindza xi gandlisiwa hi avhareji ya minkandziyiso ya 15 570 000 hi tindzimi ta 111; Xalamuka! yi kumeka hi tindzimi ta 67, ku humesiwa 13 110 000 wa minkandziyiso hi avhareji

Vumbhoni lebyikulu swinene lebyi tshameke byi nyikeriwa, tanihi leswi vanhu va 4 472 787 va hlanganyeleke eku twariseni ka Mfumo ematikweni ya 229; avhareji ya maphayona n’hweti yin’wana ni yin’wana yi ri 605 610; ku hetiwe tiawara ta 1 024 910 434 ku nyikeriwa vumbhoni eka vanhu; ku fambisiwe tidyondzo ta Bibele ta 4 278 127; ku khuvuriwe vadyondzisiwa lavantshwa va 301 002