I Mani Loyi A Fumaka Misava

LESWI BIBELE YI SWI VULAKA

“Misava hinkwayo yi le hansi ka matimba ya lowo homboloka.”—1 Yohane 5:19.

“N’wana wa Xikwembu u tile leswaku a ta herisa mitirho ya Diyavulosi.” —1 Yohane 3:8.

NDLELA LEYI SWESWO SWI NGA KU VUYERISAKA HA YONA

U ta kuma tinhlamuselo leti twisisekaka ta swiphiqo swa misava leyi.—Nhlavutelo 12:12.

U ta va ni xivangelo xo tshemba leswaku misava ya hina yi ta cinca yi va leyinene.—1 Yohane 2:17.

XANA HI NGA SWI TSHEMBA HAKUNENE LESWI BIBELE YI SWI VULAKA?

Ina, hikwalaho ka swivangelo swinharhu:

• Vulawuri bya Sathana byi ta herisiwa. Yehovha u ta herisa mfumo wa Sathana. U tshembisa ku “herisa . . . Diyavulosi” ni ku herisa swilo swo biha hinkwaswo leswi Sathana a swi vangeke.—Vaheveru 2:14, Bibele—Matsalwa Yo Kwetsima.

• Xikwembu xi hlawule Yesu Kreste leswaku a fuma misava. Yesu u hambane swinene ni mufumi wa sweswi wa misava leyi loyi a nga ni tihanyi, a tlhela a va ni vutianakanyi. Malunghana ni vuhosi bya Yesu, Xikwembu xi tshembisa xi ku: “Yi ta va ni musa eka swisiwana ni lava pfumalaka . . . Yi ta [va] ponisa eku tshikileriweni ni le madzolongeni.”—Pisalema 72:13, 14.

• Xikwembu a xi hembi. Bibele yi swi veka erivaleni yi ku: ‘A swi koteki leswaku Xikwembu xi hemba.’ (Vaheveru 6:18) Loko Yehovha a tshembisa ku endla nchumu wo karhi, u ta wu endla! (Esaya 55:10, 11) “Mufumi mufumi wa misava leyi u ta hlongoriwa.”—Yohane 12:31.