U Nga Va Sirhelela Njhani Vana Va Wena?

ENDZHAKU ko dyondza exikolweni xa ka vona malembe yo tala, Wernera u sungule tidyondzo leti nga emahlweni swin’we ni vantshwa van’wana va kwalomu ka 3000 le São Paulo, eBrazil. A ku ri ro sungula a vona swichudeni-kulobye swi xavisa ni ku tirhisa swidzidzirisi. Leswi a solekile, hi ku hatlisa u sungule ku tekeriwa ehansi ni ku karhatiwa hi swichudeni leswikulu.

Makwavo wa xisati wa Werner, ku nga Eva na yena a ri ni swiphiqo. Hi ku lava ku endla leswi a nga swi kotaka, u dyondze swinene lerova a hlakala a tlhela a hlangana nhloko. Ku fana ni vana van’wana va kondlo-a-ndzi-dyi, Werner na Eva a va lava ku sirheleriwa enyameni ni le mintlhavekweni. Xana vana va wena va lava mpfuno wa muxaka muni? Xana u nga va lunghiselela njhani leswaku va langutana ni swa vutomi hilaha ku humelelaka loko va kurile? Entiyisweni, xana vana va wena u va lavela vumundzuku bya muxaka muni?

A Va Lavi Swakudya Ntsena

Anakanya kantsongo hi ntlhontlho lowu vatswari va langutanaka na wona eku sirheleleni ka vana va vona namuntlha. Hikwalaho ka ku hohloka ka ntikelo wa vutomi bya ndyangu ni ku andza ka vusweti, ematikweni yo tala nhlayo ya vana lava tshamaka eswitarateni ya andza. Ku tirhisiwa ka vana ku vangiwe hi ku tsandzeka ku sirhelela vana leswaku va nga tirhisiwi hi ndlela yo biha. Ku tirhisiwa ka swidzidzirisi hi ndlela yo biha na kona ku onha vantshwa vo tala. Hi xikombiso, loko n’wana un’wana wa kondlo-a-ndzi-dyi wa le Brazil a godzomberiwe hi swidzidzirisi, a ka ha vanga na ku rhula ekaya ka vona. Handle ka ntshikilelo wa mintlhaveko lowu vatswari va yena va veke na wona, a ku endliwa matshalatshala yo hakelela ku tshunguriwa ka yena, naswona vaxavisi va swidzidzirisi lava nga riki na tintswalo va te ekaya ka vona va ta londza mali.

Hambiswiritano, ku nga khathariseki mintshikilelo ya vutomi, vatswari vo tala va ya emahlweni va endla matshalatshala yo wundla vana va vona ku nga ri hi swakudya, swiambalo ni ndhawu yo tshama eka yona ntsena kambe ni hi ku va sirhelela eka madzolonga, ku tirhisiwa loko biha ka swidzidzirisi ni swiphiqo swin’wana. Lawa i matshalatshala lamakulu, kambe xana swi helela kwalaho? Ku vuriwa yini hi ku sirheleriwa eka ku vavisiwa emintlhavekweni ni le moyeni? Vo tala va swi xiya leswaku ku va mutswari la humelelaka swi katsa ku lwisana ni swiphiqo leswi katsaka ku hlawula ka vana va vona vanghana ni vuhungasi. Kambe, xana vatswari va nga swi papalatisa ku yini ku sirhelela vana va vona ku tlula mpimo kumbe ku va pfumelela ku tilawula ku tlula mpimo? U khutaziwa ku kambisisa tinhlamulo leti kumekaka exihlokweni lexi landzelaka.

[Nhlamuselo ya le hansi]