Bokisi Ra Swivutiso

◼ Xana bandlha ri fanele ku va ni fayili ya Vutirheli Bya Hina Bya Mfumo?

Enkandziyisweni wa Kingdom Ministry ya June 1972, ku kombisiwe leswaku i swinene ku va ni fayili ya minkandziyiso ya n’hweti na n’hweti ya Vutirheli Bya Hina Bya Mfumo elayiburari ya Holo ya Mfumo leswaku ku ta langutiwa eka tona. Swi tlhela swi faneleka ku va ni fayili yo tano elayiburari yin’wana ni yin’wana ya Holo ya Mfumo leswaku yi tirhisiwa hi vakulu ni vahuweleri.

Loko fayili yoleyo yi kumeka, vahuweleri va nga languta emhakeni ya nkarhi lowu hundzeke leyi vulavulaka hi marungula ya ntirho wa nsimu, ku fambisa tidyondzo ta Bibele, ku endla maendzo yo vuyela ni swin’wana. Mianakanyo leyinene yo yi tirhisa evutirhelini yi nga kumiwa. Nkarhi na nkarhi, minkandziyiso ya sweswinyana ya Vutirheli Bya Hina Bya Mfumo yi yisa eminkandziyisweni leyi humesiweke loko vamakwerhu van’wana va nga si hlanganyela ni bandlha. Vanhu lava ha ku hlanganyelaka va nga pfuneka loko fayili yi ri kona.

Vakulu va fanele ku avela mulanguteri wa Xikolo Xa Vutirheli Bya Le Tilweni kumbe nandza wa vutirheli la fanelekaka ku tiyisekisa leswaku fayili leyi yi hlayisiwa yi ri enkarhini n’hweti na n’hweti. Hambi leswi rungula leri nyikeriwaka eka Vutirheli Bya Hina Bya Mfumo ri yimeke hi ndlela ya swiringanyeto naswona ku nga riki milawu leyi tiyeke, ra ha ri xihlovo lexinene xa mhaka leyi nga langutiwaka, lerova ri fanele ri va xiphemu xa layiburari ya Holo ya Mfumo ya bandlha rin’wana ni rin’wana. Hambi swi ri tano, minkandziyiso ya khale ya Vutirheli Bya Hina Bya Mfumo yi nga ka yi nga odiwi eka Sosayiti.