Marungula Ya Swa Mfumo

Afrika Dzonga: Hi December 19, 1993, ku thwasisiwe tlilasi yo sungula ya Xikolo Xa Ndzetelo Wa Vutirheli lexi veke kona edzongeni wa Afrika, eLusaka, eZambia! Swichudeni swa tsevu leswi humaka eAfrika Dzonga swi ve kona etlilasini yoleyo. Titlilasi tin’wana ti ta va kona hi 1994 naswona hinkwavo lava tsakelaka ku ya va fanele va vulavula ni mulanguteri wa muganga enhlengeletanweni leyi landzelaka ya xifundzha.

Mintsombano ya muganga ya 19 leyi a yi hleleriwe Afrika Dzonga ni matiko ya le kusuhi yi ve ni nhlayo ya 142 151 ya lava va veke kona naswona ku khuvuriwe vanhu vo ringana 2 659. Hi rhandza ku mi nkhensa n’wina hinkwenu vamakwerhu hikwalaho ka tintswalo leti mi tikombiseke eka vapfhumba va magidi lava veke kona emintsombanweni ya mune ya matiko hinkwawo. Hi amukele marito yo tala yo tlangela lama humaka eka vamakwerhu lava a va hi endzerile. Nakambe hi rhandza ku nkhensa Tikomiti ta Mintsombano ni vamakwerhu lava tirheke hi ku chivirika, lava endleke leswaku mintsombano leyi yi humelela.

Vandlha ra le Sebotse, en’walungwini wa Pietersburg, ri tsakele ku vona Holo ya rona ya Mfumo yi nyiketeriwa hi January 29, 1994.