Xana Ndzi Fanele Ku Cinca-cinca?

Nkandziyiso wun’wana ni wun’wana wa Vutirheli Bya Hina Bya Mfumo wu humesa marungula yo hambana-hambana ya Matsalwa, lawa hi nga ma tirhisaka loko hi nyikela vumbhoni. Vahuweleri vo tala lava gingiritekaka va tsakela ku kuma mianakanyo leyintshwa ni ku tirhisa manghenelo yo hambana. Vutirheli Bya Hina Bya Mfumo byi va pfuna hi ku humesa swiringanyeto swo hlayanyana n’hweti na n’hweti.

Hambi swi ri tano, swi nga ha endleka leswaku a wu xi voni xilaveko xo tshamela ku cinca leswi u swi tirhisaka. Swi nga ha endleka u tirha tiawara ti nga ri tingani ntsena n’hweti na n’hweti entirhweni wa yindlu na yindlu. Hi ku famba ka nkarhi, u nga ha va u ri ni marungula yo karhi lawa u vonaka swi ku olovela ku ma tirhisa, naswona wa humelela loko u ma tirhisa. U nga ha titshega hi tindzimana leti talaka ku tirhisiwa, ku katsa Pisalema 37:​9-11, 2 Petro 3:​13, Nhlavutelo 21:⁠4 ni tin’wana. Loko swi ri tano, ku hava xilaveko xa ku titwa u boheka ku tshamela ku cincela eka ndlela yin’wana. Pakani ya hina leyikulu i ku avelana ni van’wana ntshembo wa Mfumo ni ku va pfuna va dyondza leswi va faneleke va swi endla leswaku va kuma mikateko ya Yehovha. Loko u kuma marungula lama nga enkarhini ni lama tsakisaka ebukwini leyi nge Reasoning lawa u rhandzaka ku ma tirhisa naswona u humelelaka loko u ma tirhisa, u nga kanakani ku ma tirhisa.