Tirhani Nsimu Ya N’wina Hi Ku Helela

¹ Etindhawini leti ku tshamaka vanhu minkarhi yin’wana hi kuma tindhawu ta mabindzu lamatsongo, to tanihi switolo swo xavisa swakudya ni tikhefi. Loko tindhawu leti ti fanele ti tirhiwa kun’we ni nsimu leyi hinkwayo, mi fanele mi nghena eka tona ku fana ni loko mi nghena emitini ya vanhu.

² U nga ha tirhisa xingheniso xo olova, xo koma, kumbexana u ku: “Ndzi ni swin’wana leswi ndzi tsakelaka ku ku komba swona.” Loko n’wini wa xitolo a vonaka a khomekile hi nkarhi wolowo, u nga ha fambisa xiphephana ntsena kutani u ku: “Ndzi ta tlhela ndzi vuya loko u nga khomekanga. Ndzi ta tsakela ku tiva leswi u ehleketaka swona hi xiphephana lexi.”

³ A wu fanelanga u chava ku endla ntirho lowu. Muhuweleri un’wana u vikile: “A ndzi ehleketa leswaku a ndzi nge hlamuriwi kahle. Hambiswiritano, n’wangulo wa rungula ra Mfumo lowu ndzi wu kumeke a wu ri wunene ngopfu. A va xixima swinene ni ku va ni xinghana naswona nkarhi na nkarhi va teke timagazini.”

⁴ Wansati un’wana la tirhaka eka khampani leyi xavisaka tiyindlu ni mapurasi u vitanele Timbhoni ehofisini yakwe. U amukele timagazini ivi a kombisa ku tsakela dyondzo ya Bibele. U kombisiwe buku leyi nge Vutivi, naswona ku sunguriwe dyondzo hi nkarhi wolowo, kwale hofisini ya yena!

⁵ Xiavelo xo tirha nsimu ya n’wina hi ku helela xi katsa ni ku endzela vanhu lava nga ni mabindzu endhawini leyi mi tshamaka eka yona. (Mint. 10:42) Kunguhatani ku nghena ni le tindhawini leti ku fana ni loko mi nghena emakaya ya vanhu. Leswi a swi nge hlanganisi nsimu ya n’wina hinkwayo ntsena kambe swi ta tlhela swi endla leswaku mi kuma mintokoto leyi tsakisaka!