Xana Hi Nga Fambisa Buku Leyi Nge Creator?

N’wexemu hinkwerhu a hi tsakile loko hi kuma buku leyi nge Is There a Creator Who Cares About You? I buku leyi kahle-kahle yi endleriweke vanhu lava hambiloko va dyondzekile eka swilo swa misava, va nga pfumeriki eka Xikwembu. Buku leyi ya pfuna swinene eka xilaveko lexi yaka xi kula.

Hikwalaho ka swivangelo leswi twalaka, hi ntolovelo tibuku leti fambisiwaka n’hweti yin’wana ni yin’wana ti ni swihloko leswi kokaka nyingiso wa vanhu vo tala. Xana leswi swi vula leswaku hi fanele hi tshika ku fambisa buku leyi nge Creator? A hi fanelanga hi endla tano! Buku leyi yi nga fambisiwa nkarhi wun’wana ni wun’wana elembeni eka vanhu lava nga pfumeriki eka Xikwembu ni le ka lava yi nga va pfunaka. Yi nga ha fambiseriwa vanhu lava pfumelaka eka Xikwembu kambe lava nga xi tiviki kahle kumbe lava nga ti tiviki timfanelo ni swikongomelo swa xona. Hikwalaho ha ku khutaza leswaku u tshama u ri na yona enkwameni wa wena wa tibuku naswona tiyimisele ku yi fambisela un’wana ni un’wana loyi u anakanyaka leswaku u ta swi tsakela ku yi hlaya.