Bokisi Ra Swivutiso

◼ I vamani lava faneleke ku nyikiwa tibeji ta ntsombano wa muganga?

Tibeji ta ntsombano ti pfuna swinene leswaku hi ku kota ku tiva lava nga vamakwerhu ni ku navetisa ntsombano. Hambiswiritano, a ti fanelanga ti nyikiwa mani na mani. Ti kombisa leswaku munhu la yi veheleke u ni ndhuma leyinene evandlheni ra Timbhoni ta Yehovha leri a humaka eka rona.

Eka yona ku ni ndhawu yo tsala vito ra munhu ni ra vandlha. Hikwalaho munhu yoleyo u fanele a hlanganyele ni vandlha rero nkarhi wo lehanyana. I swinene leswaku muhuweleri ha un’we la khuvuriweke ni la nga khuvuriwangiki a va ni beji yakwe. Nakambe, vana swin’we ni vanhu lava tsakelaka, lava vaka kona eminhlanganweni ya vandlha minkarhi hinkwayo, lava nga ta hetelela va huma nsimu, na vona va nga nyikiwa. La susiweke eku hlanganyeleni a nga fanelanga a nyikiwa beji ya ntsombano.

Loko tibeji ti aviwa, vakulu va fanele ku tiyiseka leswaku minkongomiso leyi ya landzeriwa.