Bokisi Ra Swivutiso

◼ Xana vandlha ri fanele ri hayeka mepe lowu heleleke wa nsimu ya rona eHolweni ya Mfumo?

Ina, mepe lowu heleleke wa nsimu wu fanele ku endleriwa fureme kutani wu hayekiwa ekhumbini ra Holo ya Mfumo. Mepe wolowo a wu fanelanga wu namekiwa ebodweni ra switiviso. Wu fanele wu kombisa mindzilakana hinkwayo ya nsimu leyi averiweke vandlha rero ni mindzilakana ya nsimu ha yin’we ni nomboro leyi nsimu yoloye yi vitaniwaka ha yona. Ku fanele ku kombisiwa mindzilakana ya mavandlha hinkwawo lama tirhisaka Holo yin’we ya Mfumo. Leswi swi ta pfuna vahuweleri ni vanhu lava ha ku tsakelaka ku tiva leswaku nsimu leyi va tshamaka eka yona yi wela eka vandlha rihi. Ku kombisa laha Dyondzo ya Buku ya Vandlha yi khomeriwaka kona emepeni nakambe swi ta pfuna leswaku vahuweleri va tiva dyondzo ya buku leyi va averiweke eka yona. Mepe wolowo wu fanele wu tshama wu ri nkarhini.

Mepe wolowo wu tsundzuxa vahuweleri hinkwavo leswaku loko swi koteka, swi nga va vutlhari ku tikombelela ku averiwa nsimu yo tirha eka yona. Wu tlhela wu pfuna ni lava va lavaka ku hlawula ku tirha nsimu leyi nga kusuhi ni kaya ra vona. Minkarhi yin’wana swi nga ha hlayisa nkarhi eminhlanganweni ya ntirho, swi pfuna vafambisi va yona leswaku va kongomisa ntlawa ha wun’we wa vahuweleri hi ku hatlisa endhawini leyi va averiweke ku ya yi tirha.

Mepe wolowo wu tlhela wu nyikela vumbhoni bya leswaku vandlha ri hleleriwe ku chumayela rungula ra Mfumo hi ku helela, ensin’wini leyi ri averiweke yona.—Luka 9:6.