Leswi U Nga Swi Vulaka Hi Timagazini

Xihondzo xo Rindza Mar. 15

“Xana wa pfumela leswaku vulawuri byo lulama byi nga endla misava leyi yi va ndhawu leyinene yo hanya eka yona? [Yimela nhlamulo.] Ndzi kombela u xiya leswi Bibele yi swi tshembisaka. [Hlaya Pisalema 37:11.] Hi nga ku kuma ku rhula ko tano loku nga ta va kona loko ku fuma Murhangeri la fanelekaka, la hlamuseriweke eka swihloko leswi.”

Xihondzo xo Rindza Apr. 1

“Ndzi pfumelele ndzi ku byela mhaka leyi tsakisaka leyi humaka eBibeleni. [Hlaya Matewu 22:37.] Xana u ehleketa leswaku leswi swi vula yini? [Yimela nhlamulo.] Xiya xihloko lexi nge ‘Lavisisa Xikwembu Hi Mbilu Ni Mianakanyo Ya Wena.’ Xana ripfumelo ra xiviri i mhaka leyi khumbaka mbilu ntsena kumbe ni mianakanyo ya khumbeka? Nhlamulo ya kona yi pfulana mahlo.”

Xalamuka! Apr. 8

“Ku tsekatseka ka misava ku dlaya vanhu vo tala ku tlhela ku vanga ku onhaka lokukulu. Hakanyingi lava poneke va sala va nga ri na makaya hambi ku ri swo tihanyisa ha swona. Nkandziyiso lowu wa Xalamuka! wu kombisa ndlela leyi vanhu lava hlaseriweke hi ku tsekatseka ka misava va koteke ku langutana ni xiyimo endzhaku ko hlaseriwa hi khombo leri. Wu tlhela wu hlamusela ndlela leyi ku tsekatseka ka misava ku nga xiphemu xa vuprofeta bya nkoka bya Bibele ha yona.”

Xingheniso Xin’wana: “Tanihi laha u swi tivaka hakona, ku khathalela ndyangu a hi matlangwana masiku lawa naswona ku va manana i ntirho lowu karharisaka. Nkandziyiso lowu wa Xalamuka! wu hlamusela mhaka leyi tsakisaka malunghana ni nhloko-mhaka leyi nge ‘Xana I Vavasati Vo Hlawuleka Lava Nga Vaka Vamanana?’ Ndzi rhandza ku ku siyela magazini lowu.”