Leswi Hi Nga Swi Vulaka Hi Timagazini

Xihondzo xo Rindza Mar. 15

“Ha ku rhamba leswaku u va kona eka nkhuvo wa Xilalelo xa Hosi hi Sonto, April 4. [Hlamusela hi ku tirhisa xifunengeto xa magazini lowu kumbe xiphephana xo rhamba vanhu leswaku va ta eXitsundzuxweni. Kutani u hlaya Luka 22:19.] Swihloko swo rhanga eka nkandziyiso lowu wa Xihondzo xo Rindza swi hlamusela leswi xiendlakalo lexi xi vulaka swona ni ndlela leyi xi tlangeriwaka ha yona.”

Xihondzo xo Rindza Apr. 1

“A hi tingani tindzimana leti nga eBibeleni leti ti endleke vanhu va ringeta ku kuma nhlamuselo ya tona ku fana ni ndzimana ya Bibele ya mfungho wa xivandzana. Xana u tshama u twa hi ta mfungho lowu wa xivandzana? [Yimela nhlamulo. Kutani u hlaya Nhlavutelo 13:16-18.] Bibele hi yoxe yi hi nyika tindlela to kumisisa nhlamuselo ya xihundla lexi. Magazini lowu wu hlamusela tindlela ta kona.”

Xalamuka! Apr. 8

Endzhaku ko boxa xiendlakalo lexi hlomulaka mbilu lexi xa ha ku humelelaka, vutisa: “Xana u kale u tivutisa leswaku ha yini Xikwembu xi pfumelela swilo swo fana ni leswi swi humelela? [Yimela nhlamulo. Kutani u hlaya Yakobo 1:13.] Nkandziyiso lowu, lowu ngopfu-ngopfu wu tsaleriweke vanhu lavantshwa, wu nyika xivangelo xa leswaku ha yini Muvumbi a nga ngheneleli a herisa ku xaniseka ka vanhu.”

“Vanhu vo tala va ma toloverile matimu ya Muxe. Kambe a wu swi tiva leswaku Muxe u vule swin’wana leswi khumbaka vutomi bya hina namuntlha? [Yimela nhlamulo. Kutani u hlaya Deteronoma 18:15.] Nkandziyiso lowu wa Xalamuka! wu hlamusela leswaku muprofeta loyi, loyi ku vulavuriweke ha yena ka ha ri emahlweni, i mani ni leswi a nga ta swi endlela vanhu.”