Leswi Hi Nga Swi Vulaka Hi Timagazini

Xihondzo xo Rindza June 15

“Vo tala va hina hi ta kala hi dyuhala hi ri karhi hi tirha. Sweswo van’wana va swi vona swi ri nkateko; kasi van’wana va swi teka swi ri maxangu. Xana wena u swi vona njhani? [Yimela nhlamulo. Kutani u hlaya Eklesiasta 2:24.] Magazini lowu wu kombisa ndlela leyi Bibele yi nga hi pfunaka ha yona leswaku hi va ni langutelo lerinene hi ntirho. Wu tlhela wu hlamusela ndlela leyi hi nga langutanaka ha yona ni ntshikilelo lowu vaka kona entirhweni.”

Xihondzo xo Rindza July 1

“Hinkwerhu ka hina hi tiva vanhu lava va vonakaka swi va fambela kahle evuton’wini, kambe vona vini va titwa va ha kayivela swin’wana evuton’wini. Xana u ehleketa leswaku va nga va va kayivela yini? [Yimela nhlamulo. Kutani u hlaya Matewu 5:3.] Magazini lowu wu hlamusela xilotlelo xa nkoka xo kuma ku rhula ka mbilu—ku nga ku enerisa ndlala ya hina ya moya.”

Xalamuka! July 8

“Xana u ehleketa leswaku muganga wa ka hina wu nga va ndhawu ya kahle loko munhu un’wana ni un’wana a hanya hi ku landza marito lawa? [Hlaya Vaefesa 4:28. Kutani u yimela nhlamulo.] Magazini lowu wu hlamusela ndlela leyi un’wana ni un’wana wa hina a khumbekaka ha yona hikwalaho ka leswi vanhu va yivaka eswitolo. Wu tlhela wu hlamusela ndlela leyi vukhamba lebyi endlekaka eswitolo swin’we ni vugevenga lebyin’wana swi nga ta herisiwa ha yona.”

Xingheniso Xin’wana: “Namuntlha mintirho ya kala, naswona ku lava ntirho a hi matlangwana. Magazini lowu wu xaxameta swilo swa ntlhanu swa nkoka, leswi nga ku pfunaka leswaku u kuma ntirho. [Kandziyisa swihlokwana leswi dzwihaleke, leswi nga eka xihloko lexi nge “Tindlela Ta Ntlhanu To Kuma Ntirho.”] Wu tlhela wu nyika swiringanyeto leswi twisisekaka swa ndlela leyi ha yona u nga kotaka ku tirha nkarhi wo leha entirhweni wa wena.” Hlaya Swivuriso 22:29 leyi tshahiweke eka tluka 10.