DVD Leyi Nge The Bible​—A Book of Fact and Prophecy

Vhidiyo leyi nge Mankind’s Oldest Modern Book i yin’wana ya tivhidiyo to sungula eka tivhidiyo tinharhu leti kumekaka eka DVD leyi nge The Bible—A Book of Fact and Prophecy. Endzhaku ko hlalela vhidiyo leyi hlamula swivutiso leswi landzelaka:

(1) Xana Bibele yi pfumelelana ni sayense ya manguva lawa hi tindlela tihi? (2) Hi nga tiyiseka njhani leswaku Bibele leyi hi yi tirhisaka yi fana kahle ni matsalwa yo sungula? (3) Hi wihi nchumu wo hlawuleka lowu nga kona eTibibeleni ta hina lowu a wu ri kona ni le Bibeleni ya khale? (4) Xana John Wycliffe, Johannes Gutenberg, William Tyndale, John Hus, Martin Luther, Casiodoro de Reina, na Charles Taze Russell va hoxe xandla hi tindlela tihi eku hangalasiweni ka Rito ra Xikwembu emisaveni hinkwayo naswona tikereke ti yi kanete njhani Bibele? (5) Xana ndzayo ya Bibele yi va pfune njhani vanhu leswaku va kota ku langutana ni swiphiqo swa rihanyo (Ps. 34:8), ku fambela ekule ni mukhuva wa ku gembula (1 Tim. 6:9, 10), ku hambana ka vanhu lava tekaneke ni ku nga tshembeki (1 Kor. 13:4, 5; Efe. 5:28-33) swin’we ni moya wa ku hlongorisa rifuwo (Mat. 16:26)? (6) Hi byihi vumbhoni lebyi kombisaka leswaku loko hi tirhisa milawu leyi kongomisaka ya Bibele hi ta swi kota ku hlula moya wa ku venga vanhu va le matikweni man’wana ni va tinxaka tin’wana (Luka 10:27)? (7) Xana ku namarhela milawu leyi kongomisaka ya Bibele swi ku tisele ntsako hi tindlela tihi? (8) Xana u nga yi tirhisa njhani vhidiyo leyi leswaku u pfuna van’wana?—Vona Vutirheli Bya Hina Bya Mfumo bya February 2006 tluka 8.