Leswi Hi Nga Swi Vulaka Loko Hi Fambisa Timagazini

Xihondzo xo Rindza August 1

“U ehleketa leswaku i yini leswi vanhu va faneleke va swi endla leswaku va tsaka? [Yimela nhlamulo kutani u hlaya Matewu 5:3.] Leyi hi yin’wana ya timhaka leti Yesu a vulavuleke ha tona. Xihloko lexi xi hlamusela leswi hi swi dyondzaka eka Yesu malunghana ni ku kuma ntsako wa xiviri.” N’wi kombe xihloko lexi sungulaka eka tluka 16.

Xalamuka! August

“Namuntlha tifilimi to tala ti kombisa madimona, masalamusi ni vuloyi. Xana u ehleketa leswaku madimona ma kona hakunene? [Yimela nhlamulo kutani u hlaya 1 Vakorinto 10:20.] Xihloko lexi xi kombisa leswi Bibele yi swi vulaka hi madimona ni ndlela leyi hi nga tisirhelelaka ha yona eka wona.” N’wi kombe xihloko lexi sungulaka eka tluka 20.

Xihondzo xo Rindza September 1

Boxa timhaka leti karhataka vanhu va le ndhawini ya ka n’wina, kutani u ku: “Xana u tshame u tivutisa leswaku ha yini vanhu va endla swilo swo bihisa xileswi? [Yimela nhlamulo.] Bibele yi hi pfuna leswaku hi va ni ntshembo. [Hlaya 2 Petro 3:13.] Magazini lowu wu kombisa leswi Bibele yi swi vulaka malunghana ni leswi vangaka vubihi ni ndlela leyi Xikwembu xi nga ta byi herisa ha yona ku nga ri khale.”

Xalamuka! September

“Xana u ehleketa leswaku tiselfoni, ti e-mail, tindhawu to burisana eka tona eka internet ni swilo swin’wana swa manguva lawa swo vulavurisana ni vanhu swi hungute xivundza kumbe swi lo xi nyanyisa? [Yimela nhlamulo.] Hi lexi xiringanyeto xin’wana lexi nga hi pfunaka leswaku hi langutana ni xivundza. [Hlaya Mintirho 20:35.] Magazini lowu wu nyikela swiringanyeto swin’wana leswi humaka eBibeleni leswi nga hi pfunaka.”