Leswi Hi Nga Swi Vulaka Loko Hi Fambisa Timagazini

Xihondzo xo Rindza October 1

“Vanhu vo tala va tivutisa loko Xikwembu xi khathala hi swiphiqo swa hina. Wena u ri yini? [Yimela nhlamulo kutani u hlaya Pisalema 34:18.] Xihloko lexi sungulaka eka tluka 19, xi hlamusela ndlela leyi Xikwembu xi hi pfunaka ha yona leswaku hi hlula ku titwa hi nga pfuni nchumu, ku va ni gome ni ku tshamela ku titwa nandzu.”

Xalamuka! October

“Vanhu van’wana va ri Xikwembu a xi na mhaka na hina. Kambe van’wana va ri xa khathala. Wena u swi vonisa ku yini? [Yimela nhlamulo.] Xiya leswi Matsalwa lawa ma swi vulaka. [Hlaya 1 Petro 5:6, 7.] Xihloko lexi sungulaka eka tluka 29 xi ni tinhlamulo leti sekeriweke eBibeleni ta xivutiso lexi nge, Xana Xikwembu I Munhu Wa Xiviri?”

Xihondzo xo Rindza November 1

“Hinkwerhu ha swi lava ku titwa hi enerisekile. Xana u anakanya leswaku swi lava hi va ni mali leswaku hi ta eneriseka? [Yimela nhlamulo.] Mutsari un’wana wa Bibele u dyondze ku eneriseka loko a ri ni leswitsongo. [Hlaya Vafilipiya 4:11, 12.] Magazini lowu wu ni magoza ya ntlhanu lama nga eBibeleni lama nga ku pfunaka leswaku u eneriseka.”

Xalamuka! November

“Vanhu van’wana lava nge Xikwembu a xi kona va kombetela eka swilo swo biha leswi endliweke hi vito ra xona naswona va vona onge misava a yi ta antswa loko vukhongeri a byi nga ri kona. U swi vonisa ku yini? [Yimela nhlamulo.] Hi lexi xivangelo xin’wana lexi endleke leswaku vujagana byi hi vangela maxangu. [Hlaya 2 Timotiya 4:3, 4.] Magazini lowu wu boxa swihoxo swin’wana swa vanhu lava nge Xikwembu a xi kona.”