Ndlela Yo Tirhisa Fomo Leyi Nge Please Follow Up (S-43)

Hi fanele hi tata fomo leyi loko hi kuma munhu loyi a kombiseke ku tsakela loyi a nga tshamiki ensin’wini ya hina kumbe loyi a vulavulaka ririmi rimbe. Hambileswi enkarhini lowu nga hundza a hi yi tirhisa loko hi hlangana ni vanhu lava vulavulaka ririmi rimbe, ku nga khathariseki leswaku va kombise ku tsakela kumbe a va ku kombisanga, sweswi hi yi tirhisa ntsena loko munhu a kombisa ku tsakela. Loko hi hlangana ni munhu la nga twiki, ku nga khathariseki leswaku u kombise ku tsakela kumbe a nga ku kombisanga, hi fanele hi tata fomo ya S-43.

Endzhaku ka loko hi tate fomo leyi, i yini leswi hi faneleke hi swi endla ha yona? Hi fanele hi yi nyika matsalana wa vandlha. Loko a tiva vandlha leri a nga ta yi rhumela eka rona, u fanele a yi nyika vakulu va vandlha rero leswaku va ta kota ku hlela leswaku va pfuna munhu la kombiseke ku tsakela. Loko a nga ri tivi, u ta yi rhumela erhavini.

Loko munhu la kombiseke ku tsakela a vulavula ririmi rimbe naswona a tshama ensin’wini ya hina, u nga hambeta u n’wi endzela leswaku u hlakulela ku tsakela loku a nga na kona kukondza a hlanganisiwa ni muhuweleri wa le vandlheni leri vulavulaka ririmi rakwe.—Vona Vutirheli Bya Hina Bya Mfumo bya November 2009, tluka  4.