Ndlela Yo Tirhisa Broxara Leyi Nge Rungula Ra Bibele

Vanhu vo tala evutirhelini bya hina, ngopfu-ngopfu lava nga eka vukhongeri lebyi nga riki bya Vukreste, a va tolovelananga na yona Bibele. Vahuweleri van’wana loko va hlaya ni vanhu vo tano buku leyi nge Leswi Bibele Yi Swi Dyondzisaka va tlhela va tirhisa ni broxara leyi nge Rungula Ra Bibele leswaku va pfuna xichudeni xi kuma tidyondzo ta xisekelo ta Bibele. Hi xikombiso, makwerhu un’wana u sungula xiyenge 1 xa broxara leyi loko a ri karhi a kambisisa ndzima 3 ya buku leyi nge Leswi Bibele Yi Swi Dyondzisaka. Endzhaku ka sweswo, u kambisisa xiyenge lexi landzelaka endzhaku ka dyondzo yin’wana ni yin’wana. Xana u dyondza ni munhu loyi a tivaka Bibele katsongo kumbe loyi a nga yi tiviki? Leswaku u n’wi pfuna ku dyondza ‘matsalwa yo kwetsima, lawa ma swi kotaka ku n’wi tlharihisa leswaku a ta pona,’ kambisisa rungula leri engetelekeke eka buku leyi nge Leswi Bibele Yi Swi Dyondzisaka ni leri nga eka broxara leyi nge Rungula Ra Bibele.—2 Tim. 3:15.