Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi ku Mugqivela Wo Sungula Wa September

“Vanhu vo tala va ni ntshembo wa leswaku siku rin’wana Xikwembu xi ta va avanyisa hi ku ya hi swiendlo swa vona. Xana u anakanya leswaku Siku ra Vuavanyisi hi fanele hi ri langutela hi mahlo-ngati kumbe hi ri chava? [Yimela nhlamulo.] Xiya leswi magazini lowu wu swi vulaka.” Nyika n’wini wa muti Xihondzo xo Rindza xa September 1, ivi mi kambisisa swin’we rungula leri nga ehansi ka xihlokwana xo sungula eka tluka 16 kutani u hlaya tsalwa rin’we. N’wi nyike magazini kutani u hlela ku tlhela u vuya leswaku mi ta bula hi xivutiso lexi landzelaka.

Xihondzo xo Rindza September 1

“Eswiphen’wini swo tala swa misava vavasati va khomiwa hi ndlela yo biha naswona va kombiwa xihlawuhlawu. Lexi khomisaka tingana, vukhongeri byi hoxe xandla emhakeni leyi. Xana u anakanya leswaku Xikwembu xa khathala hi vavasati hakunene? [Yimela nhlamulo.] Xiya ndlela leyi Bibele yi letelaka vavanuna leswaku va khoma vasati va vona ha yona. [Hlaya Vaefesa 5:28, 29.] Magazini lowu wu paluxa ndlela leyi Xikwembu xi va tekaka ha yona vavasati.”

Xalamuka! September

“Vanhu vo tala va vula leswaku misava yi ta hela siku rin’wana, kumbexana yi ta herisiwa hi nyimpi ya nyutliya kumbe hi makhombo ya ntumbuluko, yo tanihi ku wa ka swiribyana swa le mpfhukeni kumbe ku cinca-cinca ka maxelo. Xana u anakanya leswaku siku ra ku avanyisa i ra nkoka kumbe u ehleketa leswaku ko va norho ntsena? [Yimela nhlamulo.] Bibele yi ni xitshembiso lexi chavelelaka. [Hlaya Pisalema 37:29.] Magazini lowu wu hlamusela timhaka leti tolovelekeke malunghana ni siku ra ku avanyisa swin’we ni leswi Bibele yi swi vulaka malunghana ni vumundzuku.”