“Swiringanyeto Swo Fambisa Timagazini Hi . . .”

Hakanyingi hi va ni nkulumo yo fambisa timagazini eka Nhlangano wa Ntirho n’hweti yin’wana ni yin’wana. Xikongomelo xa yona a hi ku kambisisa xikombo xa timagazini. Kambe, nkulumo leyi yi endleriwe ku bula hi swiringanyeto swo fambisa timagazini. Hikwalaho, hi ku ya hi swiletelo, makwerhu la averiweke ku nyikela nkulumo leyi u fanele a endla xingheniso xo koma swinene leswaku a khutaza vahuweleri leswaku va tsakela ku fambisa timagazini toleto. Kutani a kombela vahuweleri leswaku va hlamusela swiringayeto swo karhi eka xihloko xin’we (kumbe eka swihloko swa ntlhandlamano), ku endlela leswaku hinkwavo va kota ku vona ndlela leyi va nga xi tirhisaka ha yona ni ku teka swiringayeto leswi va lavaka ku swi tirhisa. Ematshan’weni yo kombela vayingiseri leswaku va hlamusela nkandziyiso hinkwawo, u va kombela leswaku va ringanyeta swivutiso leswi swi nga pfuxaka ku navela ka n’wini wa muti ni tsalwa leri nga hlayiwaka. U gimeta hi ku endla nkombiso wa magazini ha wun’we. Hi khutaziwa ku kambisisa timagazini leti ka ha ri ni nkarhi nileswaku hi tshama hi lunghekele ku ringanyeta ndlela leyi ti nga fambisiwaka ha yona. Loko hinkwerhu hi lunghiselela khwatsi, xiyenge lexi xi ta hi pfuna leswaku hi lotana.—Swiv. 27:17.