Xana U Fanele U Chayisa?

Loko hi ri karhi hi chumayela hi ntolovelo vahuweleri van’wana va chayisa loko ku fika nkarhi wo karhi, kumbexana nindzhenga. Entiyisweni swiyimo swa vanhu van’wana swi va boha leswaku va chayisa loko ku fika nkarhi wo karhi. Kambe, xana u tshika ku chumayela hi leswi van’wana eka ntlawa wa n’wina va tshikaka kumbe hi leswi mi nga tolovela ku chayisa loko ku fika nkarhi wo karhi? Xana u nga swi kota ku tirhanyana timinete leti engetelekeke kutani u hlanganyela eka ntirho wun’wana wo chumayela etindhawini ta mani na mani to tanihi ku chumayela exitarateni? Xana u nga swi kota ku endla maendzo yo vuyela, kumbe u hundza u vona vanhu vambirhi loko u ri karhi u muka? Vona leswaku u nga kota ku hetisisa ntirho lowukulu swonghasi loko u kuma munhu un’we la tsakelaka ekaya kumbe hi ku fambisa timagazini ti nga ri tingani eka vanhu lava u hlanganaka na vona! Loko swi nga bohi leswaku hi chayisa, ku tirha timinete leti engetelekeke i ndlela yin’wana yo nyikela “xitlhavelo xa ku dzunisa.”—Hev. 13:15.