Vulavulela Xihloko Xin’we Kambe U Siya Timagazini Hatimbirhi

Timagazini ta hina hinkwato ti ni swihloko swo hambana-hambana leswi tsakisaka. Ematshan’weni yo vulavulela swihloko swo tala eka yindlu yin’wana ni yin’wana, swi nga va swinene leswaku hi vulavulela xin’we ntsena. Loko hi ri ni vuxiya-vuxiya naswona hi tolovelane ni swihloko leswi nga eka timagazini, hi nga hlawula xihloko eka Xihondzo xo Rindza kumbe eka Xalamuka! lexi nga ta endla leswaku n’wini wa muti a tsakela. Hi xikombiso, loko hi vona tithoyi leti vana va tlangaka ha tona kwala mutini, hi nga ha hlawula xihloko lexi vulavulaka hi vutomi bya ndyangu. Loko wanuna a pfula nyangwa, hi nga ha hlawula ku vulavulela xihloko lexi rhandziwaka hi vanuna vo tala xo tanihi lexi vulavulaka hi hulumendhe leyinene. Hambileswi hi nga ta vulavulela xihloko xin’we, loko n’wini wa muti a kombisa ku tsakela hi fanele hi n’wi siyela timagazini hatimbirhi.