Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa September

“Xewani. Hi ku endzele swa xinkarhana leswaku hi ta bula hi ntshembo wa xiviri lowu pfunaka mimpatswa leswaku yi va ni vukati lebyi humelelaka. Hi ku vona ka wena, hi xihi xihinga lexikulu lexi endlaka leswaku vanhu va nga tsaki evukatini bya vona?” [Yimela nhlamulo.] N’wi kombe tluka ro hetelela ra Xihondzo xo Rindza xa September 1 kutani mi kambisisa swin’we rungula leri nga ehansi ka xivutiso xo sungula ni tsalwa rin’we leri kombisiweke. N’wi siyele magazini kutani u hlela ku tlhela u vuya mi ta bula hi xivutiso lexi landzelaka.

Xihondzo xo Rindza September 1

“Hi ku endzerile hileswi vanhu vo tala endhawini ya ka hina va tivutisaka leswaku ha yini Xikwembu xi pfumelela ku xaniseka. Xana u tshame u tivutisa hi mhaka leyi? [Yimela nhlamulo.] Swa tsakisa leswi Bibele yi tshembisaka leswaku ku ta va ni nkarhi laha ku kolola ni switlhavi swi nga ta va swi nga ha ri kona. [Hlaya Nhlavutelo 21:4.] Magazini lowu wu hlamusela swivangelo swa ntlhanu swa nkoka leswi endlaka leswaku ku va ni ku xaniseka. Wu tlhela wu hlamusela leswi Bibele yi swi vulaka malunghana ni ndlela leyi Xikwembu xi nga ta herisa ku xaniseka ha yona.”

Xalamuka! September

“Hi laha leswaku hi ta ku byela rungula leri engetelekeke malunghana ni holideyi leyi dumeke—Halloween. Van’wana va hlawule ku nga yi tlangeli, hi ku va va hlamusela xilemukiso xo fana ni lexi nga eBibeleni. [Hlaya Levhitika 19:31.] Vanhu van’wana a va pfumeli eka mimoya ya matimba ni ku teka Halloween tanihi le yi vavisaka. Xana hi rihi langutelo ra wena malunghana ni holideyi leyi? [Yimela nhlamulo.] Magazini lowu wu hlamusela masungulo ya munyama wa Halloween.”