Ku Antswisa Vutshila Bya Hina eNsin’wini​—Ku Fikelela Vanhu Hinkwavo eNsin’wini Ya Ka Hina

LEXI ENDLAKA SWI VA SWA NKOKA: Zakariya u profete leswaku vanhu lava humaka eka tindzimi hinkwato ta matiko va ta amukela mahungu lamanene. (Zk 8:23) Kambe va ta dyondzisiwa hi va mani? (Rhm 10:13-15) Hi ni vutihlamuleri byo chumayela vanhu hinkwavo va le nsin’wini ya ka hina mahungu lamanene.—od 84 ¶10-11.

NDLELA LEYI U NGA SWI ENDLAKA HA YONA:

• Lunghiselela. Xana u hlangana ni vanhu lava vulavulaka tindzimi tin’wana? U nga tirhisa JW Language app leswaku u dyondza swingheniso swo olova. Kumbe u tirhisa xitirhisiwa xa wena xa elektroniki leswaku u n’wi komba ndlela leyi a nga kumaka leswi engetelekeke ha yona eka jw.org hi ririmi rakwe

• Vana ni vuxiyaxiya. Loko u ri karhi u chumayela hi yindlu ni yindlu, chumayela ni vanhu lava u hlanganaka na vona kumbe lava pakeke timovha etlhelo ka patu. Loko u chumayela etindhawini ta mani na mani, chumayela un’wana ni un’wana la hundzaka

• Endla matshalatshala. Tlhelela emakaya lawa u nga kumangiki munhu. Tikarhatele ku fikelela vanhu hinkwavo va le ndhawini ya ka n’wina hi ku ya hi nkarhi lowu va kumekaka ha wona. Van’wana swi nga ha lava u va chumayela hi riqingho, papila kumbe etindhawini ta mani na mani

• Endla riendzo ro vuyela. Tlhelela hi ku hatlisa eka vanhu lava tsakelaka. Loko u kuma munhu la vulavulaka ririmi rimbe, kombela makwerhu la vulavulaka ririmi rero leswaku a dyondza na yena. U nga tshiki ku tlhelela eka yena ku kondza ku kumeka makwerhu la vulavulaka ririmi rakwe.—od 94 ¶39-40

HLALELANI VHIDIYO LEYI NGE KU CHUMAYELA “ENDHAWINI YA LE KULE SWINENE YA MISAVA,” KUTANI MI HLAMULA SWIVUTISO LESWI LANDZELAKA:

• Hi wahi malunghiselelo lawa vamakwerhu va ma endleke leswaku va fikelela vanhu etindhawini ta le kule swinene? (1Ko 9:22, 23)

• Hi swihi swiphiqo leswi va langutaneke na swona?

• Hi yihi mikateko leyi va yi kumeke?

• I yini leswi u nga swi endlaka leswaku u kota ku fikelela vanhu vo tala ensin’wini ya ka n’wina?