Hi Hleriwe Leswaku Hi Chumayela Vanhu Hinkwavo

Hilaha Yehovha a hleleke Vaisrayele ha kona, ni namuntlha u hlela vanhu vakwe leswaku va endla ku rhandza kakwe. Emisaveni hinkwayo, tihofisi ta marhavi, swifundzha, mavandlha ni mintlawa ya ntirho wa nsimu hinkwaswo swi ni xikongomelo xin’we ku nga ku hetisisa ntirho wo chumayela mahungu lamanene. Hi chumayela vanhu hinkwavo ku katsa ni vanhu lava vulavulaka ririmi rimbe.—Nhl 14:6, 7.

Xana u tshame u ehleketa hi ku dyondza ririmi rin’wana leswaku u ta pfuna vanhu van’wana va dyondza ntiyiso? Hambiloko u nga ri na wona nkarhi wo dyondza ririmi rin’wana, u nga tirhisa app ya JW Language leswaku u dyondza swingheniso swo olova. Loko se u swi tirhisile ensin’wini, u ta tsaka ku fana ni Vakreste va le nkarhini wa vaapostola, a va tsakile loko vanhu lava a va va chumayela va hlamarisiwa hi ku twa “mitirho ya matimba ya Xikwembu” hi tindzimi ta vona.—Mi 2:7-11.

HLALELANI VHIDIYO LEYI NGE, VANA MUNGHANA WA YEHOVHA—KU CHUMAYELA HI RIRIMI RIN’WANA KUTANI MI HLAMULA SWIVUTISO LESWI LANDZELAKA:

• 

  Hi kwihi laha u nga tirhisaka app ya JW Language?

• 

  Ku na yini eka app ya JW Language?

• 

  Hi tihi tindzimi leti vulavuriwaka ensin’wini ya ka n’wina?

• U fanele u endla yini loko u kuma munhu loyi a tsakelaka ku dyondza hi rungula ra Mfumo kambe a vulavula ririmi rimbe?—od 100-101 ¶39-41