Mintirho Ya Timbhoni Ta Yehovha Ya Manguva Lawa

Romania

Tinhlori, vamakwerhu va mavunwa, ku xanisiwa, ku khotsiwa ni ku tirhisiwa hi nsindziso—leti hi tin’wana ta tindlela leti Sathana a ti tirhiseke leswaku a ringeta ku heta Mbhoni ha yin’we ya Yehovha matimba ni ku lovisa nhlengeletano ya tona le Romania. Hlaya hi ta Ioan loyi a khongeleke hi rito leri tlakukeke emahlweni ka masocha lawa a ma yimele ku n’wi duvula. Hlaya hi ta Teodor loyi yena swin’we ni Timbhoni tin’wana, va yimbeleleke tinsimu ta Mfumo loko tibomo ti ri karhi ti na kunene ematlhelo ka vona. Twana hi ta vanhu lava fambeke tikhilomitara ta 100 va ya eminhlanganweni, va nga ambalanga tintangu. Nakambe twana leswaku ha yini xifanyetana xin’wana xi te, “Papa, u ni risema leri fanaka ni ra xibukwana xa ndzimana ya siku!”

Zambia

Ku yirisiwa hi hulumendhe, ku hlongoriwa ka varhumiwa ni ku hlongoriwa exikolweni—leswi i swiyimo swin’wana swo tika leswi vamakwerhu va langutaneke na swona eZambia. Eka rungula leri u ta dyondza hi ta n’wana wa xikolo wa nhwanyana loyi a ma yimeleleke hi vurhena mahungu lamanene ehubyeni, muhlapfa la lamaleke loyi a a “hatlisa ku tlula magama” ni Xichudeni xo sungula xa Bibele lexi biweke hi nkharisa. Hlaya hi ta movha lowu tshweke, tshuka leri mbindzimuxiweke, ndhawu ya minhlangano leyi a yi languteka ku fana ni hanci ya ntima. Vamakwerhu va tiyiselele tinsuna, mabawa, tinyoka ni tinghala loko va ri karhi va huwelela mahungu lamanene etikweni leri ro saseka ra Afrika.