Ku Hanya Hi Mianakanyo Leyinene Ni Ku Lulama

¹ Hi hanya emisaveni leyi hlohlotelaka ku nga chavi Xikwembu. Mimpimanyeto ya mafambiselo lawa yi hambeta yi onhaka. (2 Tim. 3:3) Tanihi Vakreste, hi fanele hi yimela leswi lulameke naswona hi twisisa xivangelo xo endla tano. Kambe hi wihi ndzetelo ni nkongomiso lowu nga kona? I mimpimanyeto yihi leyi hi faneleke hi yi landzela? “Ku Hanya Hi Mianakanyo Leyinene Ni Ku Lulama” i nhloko-mhaka leyi khutazaka leyi hlawuleriweke nongonoko wa siku ra nhlengeletano ya hina leyi hlawulekeke ya lembe ra ntirho ra 1993.—Tito 2:12.

² Hi tinkulumo, minkombiso ni mintokoto, hi ta dyondza ndlela yo titiyisa ha yona leswaku hi papalata ku nga chavi Xikwembu ni ku venga ku navela ka misava. Hi ta tlhela hi vona ndlela leyi swi kotekaka ha yona ku hanya hi mianakanyo leyinene ni ku lulama exikarhi ka mafambiselo lawa yo biha. Malunghiselelo yo hi pfuna hi sirhelela matimba ya hina ya mianakanyo ma ta kombisiwa. (1 Pet. 4:7) Vatswari ni vantshwa ngopfu-ngopfu va fanele ku nyikela nyingiso eka tinkulumo ni mimbulavurisano eka nonongoko wa ni ndzhenga. Wu ta kandziyisa xilaveko xo kuma vutlharhi bya Xikwembu ni ntokoto ni ku tirha swin’we ku aka vumundzuku byo tsakisa bya swa le tilweni.

³ Hambi leswi hi rhendzeriweke hi misava leyi nga chaviki Xikwembu, Rito ra Xikwembu ri hi letela hi ndlela leyinene yo yi landzela. Mimbuyelo ya ku yingisela ndzayo ya Bibele yi ta kandziyisiwa eka nkulumo leyi nge “Tlangelani Mikateko Ya N’wina Exikarhi Ka Misava Leyi Nga Riki Na Ntsako.” Tanihi leswi hi lunghiselelaka ku va kona, hi fanele hi tsundzuka leswaku ku yingiserisisa nongonoko ni ku tirhisa xitsundzuxo swi ta hi pfuna leswaku hi humelela ngopfu eku tirheleni ka hina Yehovha.—Flp. 3:15, 16.