Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa February

“Vanhu vo tala va anakanya leswaku Diyavulosi hi yena a vangaka vubihi laha misaveni. Kambe va tivutisa: ‘Xana Diyavulosi u huma kwihi? Xana u tumbuluxiwe hi Xikwembu?’ Xana u anakanya yini? [Yimela nhlamulo.] Xiya leswi hi swi hlayaka laha.” N’wi kombe xihloko lexi nga endzhaku ka Xihondzo xo Rindza xa February 1 ivi mi hlaya swin’we ndzimana yo sungula ni tsalwa leri kombisiweke. N’wi nyike magazini kutani u hlela ku tlhela u vuya leswaku mi ta bula hi xivutiso lexi landzelaka.

Xihondzo xo Rindza February 1

“Hi tsakela ku twa vonelo ra wena malunghana ni munhu loyi a xiximiwaka swinene hi Vakreste, Vayuda ni Mamoslem. Munhu wa kona i Muxe. I yini nchumu wo sungula lowu taka emianakanyweni ya wena loko u twa hi vito leri? [Yimela nhlamulo.] Hambileswi Muxe a endleke swihoxo, ya tsakisa ndlela leyi Bibele yi n’wi hlamuselaka ha yona. [Hlaya Deteronoma 34:10-12.] Magazini lowu wu hlamusela timfanelo takwe tinharhu letinene ni ndlela leyi hi nga n’wi tekelelaka ha yona.”

Xalamuka! February

“Namuntlha swi tolovelekile leswaku vanhu va rhurhela etikweni rin’wana leswaku va ta kuma vutomi byo antswa. Xana u anakanyaka leswaku minkarhi hinkwayo va kuma leswi va swi lavaka? [Yimela nhlamulo.] Ku rhurha a hi nchumu lowuntshwa. Xiya xikombiso lexi kumekaka eka tsalwa ro sungula ra Bibele. [Hlaya Genesa 46:5, 6.] Magazini lowu wu hlamula swivutiso leswi.” Komba n’wini wa muti swivutiso leswi nga emakumu ka tluka 6.