Lungelo ga hina ga ku aka ni ku hlayisa matshamu ya wukhozeli ga lisine

A ku aka tempeli ya vaIsraeli wu wa hi ntiro wa hombe niku wu wa lava mali yo tala. Hambulezo, a vaIsraeli va lo wu seketela hi kuhiseka. (1 Kr 29:2-9; 2 Kr 6:7, 8) Laha va nga mbhetile ku aka, a ndlela leyi a vaIsraeli va nga hlayisa hi yona wutshamu lego yi wa kombisa a wumoya gabye kutani ku kala wumoya. (2 Tih 22:3-6; 2 Kr 28:24; 29:3) Nyamutlha, a maKristu ma mbheta xikhati xo tala ni ntamu na ma aka, ku basisa, ni ku hlayisa a tiSalawu ta Mufumo ni tiSalawu ta Mitlhangano ya hombe. Hambulezo, a ku tira na Jehova hi ndlela leyi i lungelo ga hombe niku xipanze xa ntiro wa hina wo basa. — Tis 127:1; Kuv 7:15.

HI NGA VUNETELA HI . . . 

• 

  Ku yi siya na yi sasekile anzhako ka mutlhangano wunwe ni wunwani. Loku a xiyimo xi nga ku vumeleli, zama ku siya wutshamu ga wena na gi sasekile.

• 

  Ku tira zinwe kasi ku basisa ni ku hlayisa a Salawu ya Mufumo hi kukhanzakanya. A ku tira na mu tele zi maha ntiro wu tsakisa wu tlhela wu nga binzi. — lv 92-93 ¶18.

• 

  Ku seketela hi minyikelo. Hambu munyikelo wa “malana mambiri” ntsena wa mu tsakisa Jehova loku wu huma mbilwini. — Mr 12:41-44.

• 

  Ku ti nyiketela hi kuziranza kasi ku vunetela ku aka ni ku aketa matshamu ya wukhozeli loku a xiyimo xi hi vumelela. A ku na xilaveko xa ku tiva a ntiro wa kuaka kasi ku vunetela.