U Nga Yi Tirisisa Kuyini A Formulario Queira Visitar (S-43)?

A formulario leyi yi fanele ku tatiswa loku u kumana ni munhu a kombisako kutsakela na a nga tshami xipanzeni xa nwina kutani na a wulawula lirimi la matiko-wundle. Hambu lezi a kale hi nga yi tirisa loku hi kumana ni munhu a wulawulako lirimi la matiko-wundle na ku nga khataliseki a ku wa tsakela kutani ahihi, zezi hi yi tirisa ntsena loku a munhu loye a kombisa kutsakela. Hi ta simama hi maha lezi za kale ntsena loku a hi xiwiri. Loku hi kumana ni xiwiri, na ku nga khataliseki a kutsakela kakwe, hi fanele ku tatisa a formulario S-43.

Zini hi faneleko ku maha loku hi tatisile a formulario leyi? Hi fanele ku yi nyikela ka matsalani wa bandla. Loku a gi tiva a bandla legi a faneleko ku yi rumela ka gona, i ta yi rumela ka madota ya bandla lego kasi ma maha malulamiselo ya ku hlakulela a kutsakela loko. Loku a nga gi tivi, i ta yi rumela hofiseni ya ravi.

Loku a munhu loye a kombisileko kutsakela a wulawula lirimi la matiko-wundle na a hanya xipanzeni xa nwina, u nga simama u mu enzela kasi ku hlakulela a kutsakela kakwe kala a enzelwa hi muhuweleli wa bandla gi tirisako lirimi lakwe. — Wona a Wutireli Ga Hina Ga Mufumo ga Novembro wa 2009, phajina 4.